"വിചിത്ര സമരം " "സചിത്ര സമരം" ആകുമോ ?

"വിചിത്ര സമരം " "സചിത്ര സമരം" ആകുമോ ?
പ്രിയ മലയാളി സുഹൃത്തുകളെ ! നിങ്ങളില്‍ ഭൂരി പക്ഷത്തിന്റെയും കഴിഞ്ഞ ദിവസങ്ങളിലെ സുപ്രഭാതം എങ്ങനെ ആയിരുന്നു?
എന്നെപ്പോലെ മുന്‍ ദിവസങ്ങളിലെ പത്ര വാര്‍ത്തകള്‍ ഒരിക്കല്‍ കൂടി വായിച്ച് സമാധാനിച്ചോ ?
"വിചിത്ര സമരം " ഇന്നുമുതല്‍ "സചിത്ര സമരം" ആകുന്നു ...
("വിചിത്ര സമരം "http://kalathattu.blogspot.in/2011/08/blog-post_2386.html, "വിചിത്ര സമരം മുഖം മാറ്റുന്നു"http://kalathattu.blogspot.in/2011/09/blog-post_04.html എന്നി മുന്‍കാല കുറുപ്പുകള്‍ ഓര്‍ക്കുമല്ലോ)
പത്ര വിതരണക്കാര്‍ 20 മുതല്‍ അനിശ്ചിത കാല സമരം ആരംഭിച്ചിരിക്കുന്നു . മലയാളത്തിലെ പ്രമുഖ പത്രങ്ങളുടെ വിതരണം അവര്‍ ബഹിഷ്കരിച്ചു കൊണ്ടാണ് സമരം ആരംഭിച്ചത് ..

സമരം ചെയ്യുന്ന വര്‍ത്തമാനപ്പത്രം

ഇന്ന് പത്രമില്ലാത്ത മൂന്നാം ദിവസം. പക്ഷെ വിവരങ്ങള്‍ അറിയുന്നതിന് അത് തടസ്സമാകുന്നില്ല. എല്ലാ വിവരങ്ങളും ടി.വി. യിലും റേഡിയോയിലും നിന്ന് ലഭിക്കുന്നു. ഏഴേകാലിനു കോഴിക്കൊട്ടൊരു കോഴി ചത്താല്‍ ഏഴു പതിനാറിനു അത് ന്യൂയോര്‍ക്കില്‍ അറിയാം. പിന്നെ എന്തിനാണ് പത്രം? വെറുതെ പണം കൊടുക്കാനോ? നാട്ടിലെ വിവരങ്ങള്‍ ലോക്കല്‍ ചാനലിലും കിട്ടും.

അതുകൊണ്ട് നമുക്ക് ഒന്നുചെയ്യാം.

സ്വര്‍ണച്ചങ്ങല

       മകളുടെ വിവാഹം നിശ്ചയിച്ചെന്ന് സ്നേഹിതരോടു പറയുമ്പോള്‍ അയാളുടെ മനസ്സില്‍ തീയായിരുന്നു. ഓരോ ദിവസവും വിവാഹച്ചെലവുകള്‍ കൂടിക്കൂടി വരികയാണ്. സ്വര്‍ണത്തിന്‍റെ വില ഇതിനകംതന്നെ താങ്ങാവുന്നതിനപ്പുറമായിക്കഴിഞ്ഞു. പത്തുപവന്‍ കൊടുക്കാമെന്നു പയ്യന്‍റെ അച്ഛനോട് സമ്മതിച്ചതാണ്. നേരത്തെയുള്ള ഒരനുഭവം വച്ചാണ് അങ്ങനെ പറഞ്ഞത്‌.

ഏറണാകുളത്തു നിന്നായിരുന്നു ആ  ആലോചന. പയ്യനും അച്ഛനും അമ്മയ്ക്കും എല്ലാം പെണ്ണിനെ ഇഷ്ടപ്പെട്ടു. പയ്യന് പെണ്‍കുട്ടിയോട് എന്തെങ്കിലും സംസാരിക്കണമെങ്കില്‍ ആകാമെന്ന് അവന്‍റെ അച്ഛന്‍  പറഞ്ഞപ്പോള്‍  അവന്‍ എഴുനേറ്റുപോയി.

അപ്പോഴാണ് അയാള്‍ ചോദിച്ചത്: “നിങ്ങള്‍ കുട്ടിക്ക്‌ എന്ത്   കൊടുക്കും?”

കറന്‍സിയും കാണാച്ചരടുകളും

              കറന്‍സിയും കാണാച്ചരടുകളും
          പണം ആഗ്രഹിക്കാത്തവര്‍ ചുരുക്കം. സ്ഥാനം കൊണ്ടും പ്രശസ്തി കൊണ്ടും സംസ്കാരം കൊണ്ടും തൊഴില്‍ കൊണ്ടും വലിയവനും ചെറിയവനും പണാഗ്രഹം ഉണ്ടു തന്നെ. അതിന്‍റെ തോതും സമ്പാദനത്തിന്‍റെ രീതികളും ധാര്‍മികതയും വ്യത്യസ്തമായിരിക്കും എന്നു മാത്രം. ‘കനകം മൂലം കാമിനി മൂലം’ എന്നത് ‘കനകം മൂലം’ എന്നു മാത്രമാക്കി ചുരുക്കാമെന്നു തോന്നുന്നു. ധാര്‍മികതയ്ക്ക് ഏറെ ശോഷണം സംഭവിച്ചിരിക്കുന്ന ഇക്കാലത്ത് കാമിനി അത്ര ദുര്‍ലഭമായ കാര്യമല്ല; ‘കനകം’ കയ്യിലുണ്ടെങ്കില്‍... അപ്പോള്‍ ചുരുക്കത്തില്‍ പ്രശ്നം കനകത്തില്‍ ഒതുക്കാം.

         കനകം അഥവാ ധനം എന്നുവെച്ചാല്‍ പണം തന്നെ.ധനത്തിന്‍റെ അളവുകൊലാണല്ലോ പണം അഥവാ കറന്‍സി. ഓരോ രാജ്യത്തും ഓരോ കറന്‍സികളാണെന്നും വായനക്കാര്‍ക്ക് അറിയാമെല്ലോ.എന്താണ് കറന്‍സി എന്ന് ചോദിച്ചാല്‍ ധന ശാസ്ത്രം പഠിച്ചിട്ടുള്ളവര്‍ക്കുപോലും (വിശാരദന്മാര്‍ ഒഴികെ) മറുപടി പറയാന്‍ എളുപ്പമല്ല. സാധനങ്ങള്‍ക്കു പകരം സാധനങ്ങള്‍ തന്നെ കൈമാറ്റം ചെയ്തിരുന്ന പുരാതനമായ ബാര്‍ട്ടര്‍ സമ്പ്രദായത്തില്‍ നിന്നും കാലാനുഗതമായി വികാസം പ്രാപിച്ചാണ് നാം ഇന്ന് കാണുന്ന കറന്‍സി സമ്പ്രദായത്തിലേക്ക് എത്തിയത്.

          ഒരാള്‍ ഒരു സ്ഥാപനത്തില്‍ ജോലി ചെയ്യുന്നു എന്ന് കരുതുക. സ്ഥാപനത്തിന് അയാളുടെ സേവനം എത്രമാത്രം ആവശ്യമാണെന്നതിനെ അടിസ്ഥാനമാക്കിയാകും അയാളുടെ വേതനം സാധാരണഗതിയില്‍ നിശ്ചയിക്കപ്പെടുക.

കേരളത്തിലെ വൈദ്യുതിപ്രതിസന്ധി

കേരളത്തിലെ വൈദ്യുതിപ്രതിസന്ധി

വൈദ്യുതിയുടെ കാര്യത്തില്‍ കേരളം വന്‍പ്രതിസന്ധിയാണ് നേരിടാന്‍ പോകുന്നത് എന്ന് കഴിഞ്ഞൊരു ദിവസം ടി.വി വാര്‍ത്തയില്‍ കേട്ടു. അതായത് പവര്‍കട്ട്, വൈദ്യുതിചാര്‍ജ്ജ് എന്നിവ കൂടുമെന്നര്‍ത്ഥം.

അത് നേരിടാന്‍ ഉയര്‍ന്ന ചാര്‍ജില്‍ വൈദ്യുതിവാങ്ങേണ്ടിവരും എന്നുകൂടി അര്‍ത്ഥം കാണുമ്പോള്‍ നാടിനും നാട്ടുകാര്‍ക്കും നഷ്ടമുണ്ടാക്കുന്നത് എന്ന് ഈ സാഹചര്യത്തെ വിലയിരുത്തേണ്ടിവരും. ഇതിനു പരിഹാരം നമ്മളും ചിന്തിക്കേണ്ടേ?

വലിയ ഉപഭോക്താക്കള്‍ ബില്ലില്‍ വരാത്തവണ്ണം വൈദ്യുതി ഉപയോഗിക്കുന്നുണ്ടെന്നും അതിന്റെ ചാര്‍ജ്ജ് ശരിയായരീതിയില്‍ ഇടാക്കിയാല്‍ പശ്നം പരിഹരിക്കാനാകും എന്ന് ഒരാള്‍ അഭിപ്രായം പറഞ്ഞു. അതായത് അങ്ങനെകിട്ടുന്ന പണം കൊണ്ട്‌ പൊതുജനങ്ങള്‍ക്ക് ഭാരമാകാത്ത വിധത്തില്‍ വലിയ വിലയ്ക്ക് വൈദ്യുതി വാങ്ങാനാകുമെന്നാണ് കക്ഷി ഉദ്ദേശിക്കുന്നത്. അതുശരിയാകാം. പക്ഷെ ഇന്നത്തെ കൂട്ടുകക്ഷിഭരണസംവിധാനത്തില്‍, രാഷ്ട്രിയം സ്വാര്‍ത്ഥതയുടെ വിളഭൂമിയായിരിക്കുന്ന ഈ കാലഘട്ടത്തില്‍ അത് നടന്നുകിട്ടുന്നത് ക്ഷിപ്രസാദ്ധ്യമല്ലതന്നെ. ഇത്തരുണത്തില്‍ മറ്റെന്താണ് പ്രതിവിധിയെന്നു നമുക്കൊന്ന് ചിന്തിച്ചുനോക്കാം.

സമയം

സമയം

സമയം എന്നാല്‍ എന്താണ്?

നാം സൂര്യനെ നോക്കുമ്പോള്‍ തിരിച്ചറിയുന്ന, അല്ലെങ്കില്‍ ഘടികാരത്തില്‍ കാണുന്നതാണോ സമയം?

ആകെ കണ്‍ഫ്യുഷന്‍. അല്ലേ?

എന്നാല്‍ ഇതിന്റെ ഉത്തരം ആലോചിക്കൂ. എന്താണ് കാലം?

സമയത്തിന്‍റെ ആകെത്തുകയെന്നു വേണമെങ്കില്‍ പറയാം. അല്ലെങ്കില്‍ ഭൂതകാലവും വര്‍ത്തമാനകാലവും ഭാവികാലവും ചേര്‍ന്നതാണ് കാലം എന്ന് പറയാം. ഇല്ലേ?

രണ്ടാമത്തെ ഉത്തരത്തിലൂടെ നമുക്കൊന്ന് മുന്നോട്ട് പോകാം. ഭൂതകാലവും വര്‍ത്തമാനകാലവും ഭാവികാലവും ചേര്‍ന്നതാണ് കാലം എന്ന ഉത്തരത്തിലൂടെ.

എന്താണ് ഭൂതകാലം?

കഴിഞ്ഞുപോയത്. അതുകൊണ്ടുതന്നെ ഇപ്പോള്‍ ഇല്ലാത്തത്.

എന്താണ് ഭാവികാലം?

ഇതുവരെ ജനിച്ചിട്ടില്ലാത്തത്. അതുകൊണ്ടുതന്നെ ഇപ്പോള്‍ ഇല്ലാത്തത്.

ആ രണ്ടുകാലങ്ങളും ഇപ്പോള്‍ ഇല്ലാത്തതായതിനാല്‍ ഇപ്പോള്‍ ഉള്ള കാലം ഇതാണ്?

രോഗിണി

രോഗിണി

മീനുക്കുട്ടി ഭര്‍തൃഗൃഹത്തില്‍ നിന്ന് ഒരു വര്‍ഷത്തിനുശേഷം നാട്ടിലേക്ക് വന്നതാണ്. ഭര്‍ത്താവിനോടൊപ്പം.

“മോള്‍ക്ക് സുഖമല്ലേ?” വീട്ടിലെത്തിയ മീനുക്കുട്ടിയെ കാണാന്‍ വന്ന ഭാസുരാംഗി ചോദിച്ചു.

“അതെ.” മീനുക്കുട്ടി പറഞ്ഞു.

“വിശേഷം വല്ലതും ആയോ മോളേ?”

മീനുക്കുട്ടി നാണത്തോടെ തലയാട്ടി. ‘ഉണ്ട്’ എന്ന അര്‍ത്ഥത്തില്‍.

“ഡാക്ടരെ കണ്ടോ?” അടുത്ത ചോദ്യം.

മീനുക്കുട്ടിയ്ക്ക് കാര്യം മനസ്സിലായില്ല. എനിക്ക് അസുഖമൊന്നുമില്ലല്ലോ? പിന്നെന്തിനു ഡാക്ടരെ കാണണം?

തര്‍ജ്ജമ ചെയ്തതില്‍ വന്ന ഒരു തെറ്റ്

       തര്‍ജ്ജമ ചെയ്തതില്‍ വന്ന ഒരു തെറ്റ്

• ഞാന്‍ ഈ എഴുതുന്നത്‌ എന്‍റെ സ്വന്തം അഭിപ്രായം മാത്രമാണ്. തര്‍ജ്ജമ ചെയ്തതില്‍ വന്ന തെറ്റ് എന്നത്‌ എന്‍റെ ഊഹം മാത്രവുമാണ്.
• ബൈബിള്‍ അത്രയ്ക്കൊന്നും ഞാന്‍ പഠിച്ചിട്ടില്ല. കുറെയെല്ലാം വായിച്ചിട്ടുണ്ട്. അത്രമാത്രം.
• എന്‍റെ പ്രൈമറി സ്കൂള്‍ ഒരു പള്ളിയുടെ സൈഡിലായിരുന്നു. അതുകൊണ്ട് ചെറുപ്പത്തില്‍ പള്ളിയില്‍ സ്നേഹിതരോടൊപ്പം പോകുകയും മെഴുകുതിരി കത്തിയ്ക്കുകയും ചെയ്യാറുണ്ടായിരുന്നു. അങ്ങിനെ ബൈബിളിനോടും ശ്രീയേശുവിനോടും ഒരു ഭക്തിയും ക്രിസ്തുമതത്തിനോട് താല്പര്യവും ചെറുപ്പത്തില്‍ തന്നെ ഉണ്ടായി.
• എങ്കിലും വളരെയേറെ പഠിയ്ക്കാനുള്ള ഒന്നാണ് ബൈബിള്‍ എന്ന് എന്നും തോന്നിയിരുന്നു. പക്ഷെ അങ്ങനെ പഠിയ്ക്കാന്‍ കഴിഞ്ഞതുമില്ല.
• പക്ഷെ ഒരു നിയോഗം പോലെ ബൈബിളിലെ ഒരു ഉപദേശം എന്നെ വളരെയേറെ ആകര്‍ഷിച്ചു. “നിന്നെപ്പോലെ നിന്‍റെ അയല്‍ക്കാരനേയും സ്നേഹിക്കുക.”
• പിന്നിട് ഞാന്‍ “നിന്നെപ്പോലെ നിന്‍റെ അയല്‍ക്കാരനേയും സ്നേഹിക്കുക.” എന്നതിന്‍റെ ഇംഗ്ലീഷ് രൂപത്തിന്‍റെ ശരിയായ അര്‍ത്ഥം ചിന്തിച്ചപ്പോള്‍ തോന്നിയത്‌ താഴെ എഴുതുന്നു.
• എനിക്കറിയാവുന്നിടത്തോളം  “LOVE THY NEIGHBOUR AS THYSELF” എന്നതിനെ മലയാളീകരിച്ചതാണ് “നിന്നെപ്പോലെ നിന്‍റെ അയല്‍ക്കാരനെയും സ്നേഹിക്കുക.” പക്ഷെ അവിടെ ‘AS THYSELF’ എന്നതിനെ ‘നിന്നെപ്പോലെ’ എന്ന് തര്‍ജ്ജമ ചെയ്തു. എന്‍റെ അഭിപ്രായത്തില്‍ “നീയായിട്ട്” എന്നാണ് വരേണ്ടിയിരുന്നത്. കാരണം,

എഡ്വേര്‍ഡ് എട്ടാമന്‍

Kavitha Edward Viii

നിങ്ങള്‍ ജീവിക്കുകയാണോ?

“നിങ്ങള്‍ ജീവിക്കുകയാണോ?”

“എന്തൊരു മണ്ടന്‍! ജീവിക്കുകയല്ലെങ്കില്‍ പിന്നെ ഞാനിതെങ്ങനെ വായിക്കുന്നു?” ഇതാവാം ഈ ചോദ്യം കേള്‍ക്കുമ്പോള്‍ ചിലരുടെ ചിന്ത.

“വാട്ട് എ ഫൂള്‍?” മറ്റു ചിലര്‍.

“എന്താവം ഇയാള്‍ ഉദ്ദേശിക്കുന്നത്?” വേറേ ചിലര്‍ ചിന്തിക്കും.

എങ്കില്‍ ചോദ്യം ഒന്ന് തിരുത്താം. “നിങ്ങള്‍ ജീവിക്കുകയാണോ അതോ വെറുതെ ഭൂമിക്ക്‌ ഭാരമായി നിലനില്‍ക്കുക മാത്രമാണോ?”

ഇപ്പോള്‍ മിക്കവാറും എല്ലാവരും ചിന്തിക്കുന്നത് ഒന്നുതന്നെയായിരിക്കും. “എന്താണ് ഈ ചോദ്യത്തിന്റെ ശരിയായ അര്‍ഥം?”

രാവിലെ ഉണരുന്നു. പ്രഭാതകൃത്യങ്ങള്‍ ചെയ്യുന്നു. എന്തെങ്കിലും പ്രവര്‍ത്തിയില്‍ ഏര്‍പ്പെടുന്നു. ഇടക്ക് ആഹാരം കഴിക്കുന്നു. ഉറങ്ങുന്നു. ഇതല്ലേ ആരെങ്കിലും ചോദിക്കുമ്പോള്‍ നമ്മള്‍ പറയാറുള്ള ദൈനംദിനകൃത്യങ്ങള്‍?

“ഇതെല്ലാം എന്തിനുവേണ്ടി?” ആരെങ്കിലും ചോദിച്ചാല്‍ നമ്മള്‍ പറയും.

“ജീവിക്കണ്ടേ മാഷേ?”

അതായത്‌ ഇതെല്ലാം ചെയ്യുന്നത് ജീവിക്കാന്‍ വേണ്ടിയാണെന്ന്. അല്ലേ?

അപ്പോള്‍ ജീവിക്കുക എന്ന് പറഞ്ഞാല്‍ ഇതൊന്നുമല്ലല്ലോ?

പിന്നെ എന്താണ് ജീവിക്കുക എന്ന് വച്ചാല്‍? എന്താണ് ആ സമസ്യയുടെ അര്‍ത്ഥം?