Thursday, December 5, 2013

Man, you are a cheat(English Story)


Man, you are a cheat

After retiring from service in 2001, it was my routine to sit out in the evenings, to see the night slowly replacing the day. To see the stars begin to shine upon the dark robe which Mother Nature prefers to wear during nights. On full-moon nights, the sky will appear like a boundless dancing floor, where the stars dance in the cool light of moon. On rainy days, while looking at the sky, the earth will emerge as a huge ship moving through the pitter-patter of rain towards eternity. In the darkness of new moon days, but for the chirping of insects and occasional warble and twitter of birds, the surroundings of my house will be strangely silent. Even the sound and noise of television, which the other members of family savored, reached me only as a soft vibration, since my seat was far away from it. Even those stray dogs, who wandering around our house during day time, running hither and yon, barking and howling and yowling, kept quiet during nights, obeying the mysterious  command of nature. 
          It was on one of such late evening of a rainy day that he came to me. In fact, it was raining throughout the day, but by evening it had reduced to a thin drizzle. He entered into the sit-out as if to escape from the rain, while his companion, another waif - who was bigger than him- had run away. Once inside, he began to shake off the water from his body that he saw me. He stood still for some time, looking directly into my eyes and probably seeing no trace of animosity there, completed the process of shaking off water.

Friday, November 29, 2013

ഫ്ലക്സ് ബോര്‍ഡുകള്‍


അടുത്ത കാലത്തായി കാണുന്ന ഒരു പ്രവണതയാണ് റോഡരുകിലെല്ലാം ഫ്ലക്സ് ബോര്‍ഡുകള്‍/സാധാരണ ബോര്‍ഡുകള്‍ മുതലായവ പ്രദര്‍ശിപ്പിക്കുക എന്നത്. കൂടുതലും രാഷ്ട്രീയക്കാരുടെ ബോര്‍ഡുകളാണ്.


ഒരാളിന് അയാളുടെ പാര്‍ട്ടി എന്തെങ്കിലും സ്ഥാനം നല്‍കി എന്നിരിക്കട്ടെ. അത് അവരുടെ ഉള്‍പ്പാര്‍ട്ടിക്കാര്യം. ഇന്ത്യയിലെ എല്ലാ പാര്‍ട്ടികള്‍ക്കും ആകെ ജനസംഖ്യയുടെ അന്‍പതില്‍ താഴെ ശതമാനം മാത്രമേ പ്രാതിനിധ്യം ഉള്ളൂ എന്ന നിലക്ക് - അല്ലെങ്കില്‍ പിന്നെ ഇവിടെ ഇത്രയേറെ പാര്‍ട്ടികള്‍ എങ്ങനെ നിലനില്‍ക്കുന്നു? കുറെ വോട്ടെങ്കിലും നേടാത്ത സ്ഥാനാര്‍ഥികളില്ല, നാലഞ്ചു സ്ഥാനാര്‍ഥികള്‍ ഇല്ലാത്ത മണ്ഡലങ്ങളും ഇല്ല - ഒരാളുടെ പാര്‍ട്ടിയിലെ സ്ഥാനം ആ പാര്‍ട്ടിയുടെ മാത്രം പ്രശ്നമാണ്. അത് ആ പാര്‍ട്ടിക്കാര്‍ക്ക് അറിയുകയും ചെയ്യാം. പിന്നെ എന്തിന് അയാള്‍ക്കുള്ള അഭിനന്ദനം - എന്തിനാണ് അഭിനന്ദിക്കുന്നതെന്ന് പാര്‍ട്ടിക്കാര്‍ക്ക് മാത്രമറിയാം. സേവനം ചെയ്യാന്‍ അവസരം കിട്ടിയതിനു ആണെങ്കില്‍ അതിനു എന്തിനാണ് അഭിനന്ദനം? സേവനം ചെയ്യാന്‍ സ്ഥാനം വേണമെന്നില്ലല്ലോ?

Tuesday, November 26, 2013

മാന്ത്രികസ്സോപ്പ്

 മാന്ത്രികസ്സോപ്പ്


ഔതക്കുട്ടി & കമ്പനിയുടെ സെയില്‍സ് മാനേജര്‍ ആയിരുന്നു കേശവന്‍നായര്‍. മുതലാളിയും ഭാര്യയും രണ്ടു പെണ്‍മക്കളുമാണ് കമ്പനിയുടെ ഉടമസ്ഥര്‍.


കമ്പനിയിലെ ജോലിക്കാരെ നിരന്തരം ശകാരിക്കുകയാണ് മുതലാളിയുടെ പ്രധാന ജോലി. കമ്പനിക്കാര്യങ്ങള്‍ നോക്കി നടത്തുന്നത് മൂത്തമകള്‍ ക്ലാര.

     

മുതലാളിയുടെ ശകാരത്തെ കേശവന്‍നായര്‍ ഒട്ടും ഭയപ്പെട്ടിരുന്നില്ല. അതൊക്കെ അങ്ങിനെ കിടക്കും. ഞാന്‍ ശ്രമിക്കാഞ്ഞിട്ടല്ലല്ലോ വില്‍പ്പന കൂടാത്തത്?


ഭയം മുഴുവന്‍ ക്ലാരയെയാണ്.


ഒരുനാള്‍ കേശവന്‍നായര്‍ ക്ലാരയുടെ ഓഫീസിലേക്ക് വിളിക്കപ്പെട്ടു.


അകത്തുകയറി പത്തുമിനിട്ടിനുള്ളില്‍ കതകു വലിച്ചുതുറന്ന് കേശവന്‍നായര്‍ ഓടിയകന്നതു കാണാന്‍ അടുത്തെങ്ങും ആരുമുണ്ടായിരുന്നില്ല. പക്ഷെ ക്ലാരയുടെ നാവില്‍നിന്നും തെറിച്ച വാക്കുകള്‍ കേള്‍ക്കാന്‍ കേശവന്‍നായര്‍ ഉണ്ടായിരുന്നു.

"ആണും പെണ്ണും കെട്ട മൊശകോടന്‍. ഫൂ."

അതോ അങ്ങിനെ കേട്ടെന്നു അയാള്‍ക്ക് തോന്നിയതാണോ?

ഏതായാലും അതെല്ലാം മറക്കാന്‍ അയാള്‍ ശ്രമിച്ചു. വിജയിച്ചെന്നു കരുതി.

ക്ലാരയെ കഴിവതും ഒഴിവാക്കി. വെറുതെ എന്തിനാ പൊല്ലാപ്പ്?

പക്ഷെ നാദങ്ങള്‍ ടേപ്പിനുള്ളില്‍ മയങ്ങിക്കിടന്നു.

കടലിന്‍റെ അഗാധതയിലെ കുടത്തിനുള്ളിലെ ഭൂതമെന്നതുപോലെ.

Friday, November 22, 2013

സ്വപ്നഗീത (കവിത)

     സ്വപ്നഗീത


മരണത്തിനെന്തിത്ര ക്രൂരഭാവം കൃഷ്ണ?

അതിനെ നീയറിയില്ല, യത്രമാത്രം.


ജനനത്തിലെന്തിന്നു രോദനം ശ്രീകൃഷ്ണ?

അത് കര്‍മ്മഫലഭീതി, യത്രമാത്രം.


മനസ്സിന്നടിത്തട്ടി, ലജ്ഞാതദുഃഖങ്ങള്‍

തിരകളായുയരുന്നതെന്തു കൃഷ്ണ?


തിരയല്ല, ഭീതിയാ,ലുള്ളം കലങ്ങുമ്പൊ-

ഴുയരുന്ന ബുദ്ബുദശ്രേണി മാത്രം.


അത് മാറുവാനെന്തു ചെയ്യണം ഞാന്‍ കൃഷ്ണ?

അലസത വെടിഞ്ഞീടു,കത്രമാത്രം

Friday, November 8, 2013

അമ്മയുടെ പൊന്നുമകന്‍ (കഥ)

അമ്മയുടെ പൊന്നുമകന്‍

അമ്മുക്കുട്ടിയുടെ ഒരേ ഒരു മകന്‍ മരിച്ചു. ഇരുപത്തിനാലു വയസ്സ് പ്രായമേ ഉണ്ടായിരുന്നുള്ളൂ അവന്.

അവന് മൂന്നുവയസ്സുമാത്രം പ്രായമുള്ളപ്പോഴാണ് അവന്‍റെ അച്ഛന്‍ മരിച്ചത്. അത് അമ്മുക്കുട്ടിക്ക് താങ്ങാനാകാത്ത ദുഃഖം  ആയിരുന്നെങ്കിലും അതിനെ അതിജീവിക്കാന്‍ കഴിഞ്ഞത് മകനിലൂടെയാണ്. അവന്‍റെ കളിയും ചിരിയുമെല്ലാം അവരെ സമാധാനിപ്പിച്ചു. ഭര്‍ത്താവ് മരിച്ചപ്പോള്‍ കിട്ടിയ തുകയെല്ലാം സ്വരൂപിച്ചു ബാങ്കിലിട്ടു. അതിന്‍റെ പലിശകൊണ്ട്‌ മകനെ വളര്‍ത്തി. പഠിപ്പിച്ചു. എന്‍ജിനീയറിംഗ് പാസ്സായതിനുശേഷം. തനിക്ക് യോജിച്ച ജോലി അന്വേഷിക്കുകയായിരുന്നു അവന്‍. ഗള്‍ഫില്‍ പോകാന്‍ അവസരം വന്നെങ്കിലും അമ്മയെ ഒറ്റയ്ക്കാക്കിയിട്ട് പോകാനുള്ള  മടി കാരണം ആ പരിപാടി ഉപേക്ഷിച്ചു.


ആ മകനാണ്......


അമ്മുക്കുട്ടിയുടെ സന്തോഷമെല്ലാം അതോടെ അവസാനിച്ചു. ഒരു ഭ്രാന്തിയെപ്പോലെ അവര്‍ കഴിഞ്ഞു. ആഹാരം വല്ലപ്പോഴും മാത്രം

Wednesday, October 30, 2013

ഹാസ്യകവിത


കാലം മാറുന്നത്

അച്ഛന്‍ - 1950



കുഞ്ചുപിള്ളേ മൊതലാളീ



കഞ്ഞിവെക്കാ,നരി തരാമോ?



 കടമതെല്ലാം തന്നുതീര്‍ക്കാം



ഉരിയരീംകൂടിന്നു തന്നേ



  

പകുതിയേലും നീ തരാഞ്ഞാല്‍



കട നടത്തുവതെങ്ങനെ ഞാന്‍?

Wednesday, October 16, 2013

പുതിയ കാറും പുരോഗതിയും


പുതിയ കാറും പുരോഗതിയും 

സാധനങ്ങളുടെ വില കൂടിക്കൊണ്ടേയിരിക്കുന്നു. പച്ചക്കറികളുടെ വിലയും കൂടുന്നു. കാരണം അവയില്‍ ചേര്‍ക്കുന്ന മായങ്ങളുടെ വിലക്കുടുതലാകാം. മായം ചേര്‍ന്നതെന്ന മഹത്വം പാവം കറിവേപ്പിലക്കും നല്‍കാന്‍ മായം ചേര്‍ക്കല്‍കാര്‍ മറക്കുന്നില്ല എന്നത് അവരുടെ മഹത്വത്തിനുള്ള തെളിവാണല്ലോ? അപ്പോള്‍ അവരുടെ ലാഭം കൂട്ടുകതന്നെ വേണം. അതിനായി പൊതുജനം ത്യാഗങ്ങള് സഹിച്ചല്ലെ പറ്റൂ.


ഡീസലിനും പെട്രോളിനും വില വര്‍ദ്ധിപ്പിക്കുന്നു. കാരണം ഒരിക്കലും ലാഭമുണ്ടാക്കാന്‍ കഴിയാത്ത എണ്ണക്കമ്പനികള്‍ക്ക് തങ്ങള്‍ ലാഭം ഉണ്ടാക്കാന്‍ ശ്രമിക്കുകയാണ് എന്നെങ്കിലും പ്രഖ്യാപിക്കാന്‍ കഴിയണമല്ലോ? അതുകൊണ്ട് സാധനവില കൂടുന്നെങ്കില്‍ അത് പൊതുജനങ്ങളുടെ നിര്‍ഭാഗ്യം എന്നുമാത്രമല്ലേ  പറയാനാകൂ? കാരണം,

Monday, October 14, 2013

ഭരണചക്രം തിരിക്കുന്നവര്‍

ഭരണചക്രം തിരിക്കുന്നവര്‍

 

ഏതാനും നാള്‍ മുന്‍പുവരെ കേരളത്തിലെ വളരെ ചെറിയ ഒരു പാര്‍ട്ടിയുടെ ചെയര്‍മാന്‍ പാര്‍ട്ടിയുടെ ഒരേ ഒരു എം.എല്‍.എ.യും കഴിവ് തെളിയിച്ച മന്ത്രിയുമായ തന്‍റെ മകനോട് രാജിവക്കൂ, രാജിവക്കൂ എന്ന് തുടര്‍ച്ചയായി പറഞ്ഞുകൊണ്ടേയിരുന്നു. അദ്ദേഹത്തിന്‍റെ പ്രാര്‍ത്ഥനയുടെ ഫലമാകാം, മന്ത്രിക്കു ചില വ്യക്തിപരമായ കാരണങ്ങളുടെ പേരില്‍ മന്ത്രിസ്ഥാനം രാജി വെക്കേണ്ടിവന്നു. ഇന്ന് അതേ ചെയര്‍മാന്‍ മകനോട് മന്ത്രിയാകാന്‍ പറയുന്നു! മകനെ മന്ത്രിയാക്കാന്‍ ബന്ധപ്പെട്ടവരോടെല്ലാം ആവശ്യപ്പെടുന്നു. മകന് മാറ്റം വന്നിട്ടുണ്ടെന്നും അവന്‍ പാര്‍ട്ടി പറയുന്നതെല്ലാം വള്ളിപുള്ളി വിസര്‍ഗ്ഗം തെറ്റാതെ അനുസരിച്ചുതുടങ്ങിയിട്ടുണ്ടെന്നും ആണ് അദ്ദേഹം അതിനു പറയുന്ന ന്യായീകരണം. പക്ഷെ മന്ത്രി ആദ്യം ജനങ്ങളുടെ ആളാണെന്നും പിന്നെ മാത്രമാണ് പാര്‍ട്ടിയുടെ ആളാകുന്നതെന്നുമുള്ള ജനാധിപത്യത്തിന്‍റെ അടിസ്ഥാനതത്വം അദ്ദേഹം മറന്നു പോകുന്നു. വാര്‍ദ്ധക്യം ആവാം കാരണം എന്ന് സമാധാനിക്കാം, അല്ലെ? അതോ അദ്ദേഹം ഒരിക്കലും ജനങ്ങള്‍ക്കുവേണ്ടി ഭരിച്ചിട്ടില്ലെന്നത് കൊണ്ടാണോ? അദ്ദേഹം ഇപ്പോള്‍  മുന്നോക്കകോര്‍പ്പറേഷന്‍റെ ചെയര്‍മാനും കൂടിയാണ്. (എന്താണോ എന്തോ ഈ കോര്‍പ്പറേഷന്‍റെ ജോലി?). പക്ഷെ അവിടെയും അദ്ദേഹത്തിന് ഒരു പരാതിയുണ്ട്. തനിക്ക് അകമ്പടി സേവിക്കാന്‍ ഗണ്‍മാനോ പോലീസോ ഒന്നുമില്ല. എന്തു കഷ്ടം, അല്ലേ?  



പക്ഷെ ഇതൊന്നുമല്ല ഇവിടുത്തെ പ്രശ്നം. ഈ ഭരണം ആര്‍ക്കുവേണ്ടി എന്നുള്ളതാണ്. തമ്മിലടിക്കാന്‍ വേണ്ടിയാണോ ജനപ്രതിനിധികളെ ജനങ്ങള്‍ വോട്ടുചെയ്തു തെരഞ്ഞെടുക്കുന്നത്?



ഒരു നേതാവുണ്ട് നമ്മുടെ നിയമസഭയില്‍. അദ്ദേഹം സത്യസന്ധനാണ്. ആരുടെയെങ്കിലും കുറ്റം പറഞ്ഞുകൊണ്ടിരിക്കുകയാണ് അദ്ദേഹത്തിന്‍റെ അറിവില്‍  തന്‍റെ ജോലി.

Friday, October 11, 2013

വരുമാനക്കുറവ്


വരുമാനക്കുറവ്

 

കേരളത്തിന്‍റെ വരുമാനക്കുറവ് പരിഹരിക്കാന്‍ ചെലവു ചുരുക്കല്‍ ഉള്‍പ്പടെ പല നടപടികളും എടുക്കുന്നു എന്ന പത്രവാര്‍ത്ത കണ്ടു. വളരെ നല്ലത്.

 

ചെലവു ചുരുക്കലിന്റെ ഭാഗമായി നിയമനങ്ങളില്‍ നിയന്ത്രണം ഏര്‍പ്പെടുത്തുന്നു എന്നും കണ്ടു. ഈ നിയമനങ്ങള്‍ പൊതുജനങ്ങളുടെ സഹായത്തിനു വേണ്ടിയുള്ളതാണെങ്കില് ആ നിയമനങ്ങല്‍ കുറക്കുന്നത് പൊതുജനങ്ങളെ പ്രതികൂലമായല്ലേ ബാധിക്കുക? മറിച്ചാണെങ്കില്‍ പിന്നെ ആര്‍ക്കുവേണ്ടിയാണ് ഇവിടുത്തെ നിയമനങ്ങള്‍?

 

എത്രയോ വലിയ ശമ്പളവും മറ്റാനുകൂല്യങ്ങളുമാണ് നമ്മുടെ ജനപ്രതിനിധികള്‍ എടുക്കുന്നത്? (സ്വന്തം ശമ്പളവും ആനുകൂല്യങ്ങളും പെന്‍ഷനും മറ്റും സ്വയം വര്‍ദ്ധിപ്പിക്കുന്നതിനെ എടുക്കുക എന്നുതന്നെയല്ലേ പറയേണ്ടത്?) ചെലവുചുരുക്കലിന്റെ ഭാഗമായി ഇവര്‍ സ്വന്തം ശമ്പളവും മറ്റാനുകൂല്യങ്ങളും വെട്ടിക്കുറച്ചു മാതൃക കാണിക്കുന്നതല്ലേ അതിന്‍റെ ശരി? അതല്ലേ ഉചിതം? അതല്ലേ ജനങ്ങളുടെ വോട്ടു വാങ്ങി ഭരണം നടത്തുന്ന ജനസേവകരുടെ ഇപ്പോഴത്തെ കടമ? അപ്പോഴല്ലേ അവര്‍ യഥാര്‍ത്ഥ ജനസേവകര്‍ ആകുന്നുള്ളൂ?



അതിനുപകരം അവര്‍ എന്താണ് ചെയ്യുന്നത്?

Monday, September 30, 2013

യുദ്ധം

                                               യുദ്ധം

   

 യുദ്ധത്തിന്‍റെ ഭീകരത നിറഞ്ഞ നാളുകളായിരുന്നു അത്. ചുറ്റും എപ്പോഴും പീരങ്കികളുടെ മുഴക്കം. ആഴത്തില്‍ കുഴിയെടുത്ത് അതില്‍ ഉറപ്പിച്ച ടെന്‍റുകളില്‍ ആയിരുന്നു പട്ടാളക്കാരുടെ താമസം. ഓഫീസുകള്‍ ടെന്‍റുകള്‍ക്കുള്ളില്‍ അല്ലെങ്കില്‍ ഇലകള്‍ നിറഞ്ഞ മരങ്ങളുടെ ചുവട്ടില്‍. മുകളില്‍ കൂടി പായുന്ന യുദ്ധവിമാനങ്ങള്‍ യാതൊന്നും കാണാന്‍ പാടില്ല. കണ്ടാല്‍...? ഒരു ബോംബ്‌. അതോടെ എല്ലാം നിശ്ചലമാകും.


ക്യാമ്പിന്‍റെ മുന്‍പില്‍ വയലാണ്. വയലിലൂടെ നടന്നാല്‍ ഒരു പഴയ സ്കൂള്‍ കെട്ടിടം നില്‍ക്കുന്ന പറമ്പിലെത്തും. അവിടെ മരങ്ങളുടെ കീഴില്‍ ആണ് വാഹനങ്ങള്‍ പാര്‍ക്ക് ചെയ്യുന്നത്. മുകളില്‍ നിന്ന് കാണരുതല്ലോ?


സ്കൂളിനോട് ചേര്‍ന്ന് മെയിന്‍ റോഡാണ്. റോഡിന്‍റെ മറുവശം ഈ വശത്തെ അപേക്ഷിച്ച് താഴ്ചയാണ്.


ഒരു ദിവസം വൈകിട്ട് ഞങ്ങള്‍ മൂന്നുപേര്‍ക്ക് ഒരു നിര്‍ദ്ദേശം കിട്ടി. രാത്രിയില്‍ വാഹനങ്ങള്‍ക്കു കാവല്‍ നില്‍ക്കണം. ഞാന്‍ കമാന്‍ഡര്‍. മറ്റുള്ളവര്‍ ഗാര്‍ഡുകള്‍. കമാന്‍ഡര്‍ക്കും ഡ്യുട്ടിയിലല്ലാത്ത ഗാര്‍ഡുകള്‍ക്കും കിടക്കാന്‍ സ്കൂളിനോട് ചേര്‍ന്ന് സൗകര്യം ഏര്‍പ്പെടുത്തിയിട്ടുണ്ട്. ഡ്യുട്ടി വൈകിട്ട് ആറുമണി മുതല്‍ രാവിലെ ആറുമണി വരെ.

Saturday, September 28, 2013

സത്യം ബ്രൂയാത്

                                          സത്യം ബ്രൂയാത്



    സത്യം ബ്രൂയാത്, പ്രിയം ബ്രൂയാത്, ന ബ്രൂയാത് സത്യമപ്രിയം. (സത്യം പറയണം, പ്രിയമായി പറയണം, അപ്രിയസത്യം പറയരുത്).  ഏതോ മഹല്‍ഗ്രന്ഥത്തില്‍ നിന്നുള്ള ഈ ഉദ്ധരണി കേള്‍ക്കുമ്പോഴെല്ലാം എനിക്ക് വാസവനെയാണ് ഓര്‍മ്മവരിക. വര്‍ഷങ്ങള്‍ക്കുമുന്‍പ് എന്നോടൊപ്പം ജോലി ചെയ്തിരുന്ന വാസവന്‍.


ഒരുദിവസം എന്തോ സംസാരിച്ചുകൊണ്ടിരുന്നപ്പോള്‍ വാസവന്‍ പറഞ്ഞു."ഈ ഒരു ചെറിയ കള്ളം ഞാന്‍ പറയണം എന്നാണ് അയാള്‍ നിര്‍ബന്ധിക്കുന്നത്‌. പക്ഷെ ഞാന്‍ എന്തുചെയ്യും? എന്നെക്കൊണ്ട് കള്ളം പറയാന്‍ ആകില്ല."

"അതെന്താ? താന്‍ ഹരിശ്ചന്ദ്രന്‍റെ മോനോ മറ്റോ ആണോ?" തമാശയായി ഞാന്‍ ചോദിച്ചു.

"ഒരുപക്ഷെ എനിക്കുണ്ടായപോലെ ഏതോ അനുഭവം ഉണ്ടായതുകൊണ്ടാവാം ഹരിശ്ചന്ദ്രനും കള്ളം പറയാന്‍ കഴിയാതിരുന്നത്." വളരെ സീരിയസ് ആയാണ് വാസവന്‍ പറഞ്ഞത്.

"എന്താ തന്‍റെ അത്ര വല്യ അനുഭവം.?"

"അങ്ങനെയൊന്നുമില്ല. ഒരു ചെറിയ സംഗതി. ഇന്നാലോചിക്കുമ്പോള്‍ ഒരു പ്രാധാന്യവും ഇല്ലാത്ത ഒരനുഭവം. പക്ഷെ അനുഭവം ഗുരു എന്നു പറയുന്നതുപോലെയായി. അതിനുശേഷം കള്ളം പറയുക എന്നൊന്ന് എനിക്ക് ചിന്തിക്കാന്‍കൂടി  കഴിയാതായി."

"എന്തായിരുന്നു ആ കാര്യം?" വര്‍ദ്ധിച്ച താല്‍പ്പര്യത്തോടെ ഞാന്‍ ചോദിച്ചു.

"ഞാന്‍ മിഡില്‍ സ്കൂളില്‍ പഠിക്കുമ്പോഴായിരുന്നു അത് നടന്നത്.

Sunday, September 15, 2013

കുറ്റവും ശിക്ഷയും

  കുറ്റവും ശിക്ഷയും


തികച്ചും അപ്രതീക്ഷിതമായാണ് അന്ന് പത്മനാഭന്‍ സാറിനെ കണ്ടത്. കോളേജ് വിട്ടതിനുശേഷം ആദ്യമായി കാണുകയായിരുന്നു.


ഞാന്‍ അടുത്തേക്ക് ചെന്നു. "സാറിവിടെ...?"

എന്‍റെ നേരെ ഒന്ന് നോക്കിയിട്ട് മറുപടി ഒന്നും പറയാതെ സാര്‍ പെട്ടെന്ന് നടന്നകന്നു. 


എന്നെ ഭയപ്പെടുന്നതുപോലെ.


കോളേജ് വിട്ടിട്ട് ഏതാണ്ട് പത്തു വര്‍ഷം കഴിഞ്ഞിരുന്നു. ജോലി കിട്ടി ആദ്യത്തെ പോസ്റ്റിങ്ങ്‌ എന്ന നിലയിലാണ് ആ ഉള്‍നാടന്‍ ഗ്രാമത്തിലെത്തിയത്. ഒരു പരിചിതരുമില്ലാത്ത ഗ്രാമം. പ്രകൃതിസൌന്ദര്യം നിറഞ്ഞൊഴുകുന്ന നാട്. വീട്ടില്‍ നിന്ന് അകലെയാണെങ്കിലും അവിടെ പോസ്റ്റിങ്ങ്‌ ആയതില്‍ സന്തോഷമാണ് തോന്നിയത്.


അങ്ങനെ ഏതാണ്ട് ഒരു മാസം കഴിഞ്ഞപ്പോഴാണ് സാറിനെ കണ്ടത്. മുന്‍പൊക്കെ എന്നെ കണ്ടാല്‍ വളരെയേറെ സന്തോഷത്തോടെ വിവരങ്ങള്‍ അന്വേഷിക്കുമായിരുന്ന സാറിന് സാധാരണ നിലയില്‍ ഇവിടെ വച്ച് എന്നെക്കണ്ടപ്പോള്‍ വളരെയേറെ സന്തോഷം തോന്നേണ്ടതാണ്. പക്ഷെ അങ്ങനെയല്ലല്ലോ കണ്ടത്. എന്തുപറ്റി സാറിന്? എന്തിന് സാര്‍ എന്നെ ഭയപ്പെടുന്നു?


സാറിന്‍റെ  വീട് എന്‍റെ നാട്ടില്‍ നിന്നും കുറെ അകലെയാണ് എന്നുമാത്രമേ അറിയുമായിരുന്നുള്ളൂ. 

ഗുരുശിഷ്യബന്ധം ഒന്നുമാത്രമായിരുന്നു ഞങ്ങളെ ഇണക്കുന്ന കണ്ണി. എല്ലാ ശിഷ്യന്മാരോടും സാറിന് ഒരുപോലെ സ്നേഹമായിരുന്നു എന്നാണു ഞങ്ങള്‍ക്കെല്ലാം തോന്നിയിരുന്നത്.   


പിന്നെ എന്താണ് സാര്‍ ഇന്ന് ഇങ്ങനെ പെരുമാറിയത്?

Monday, September 9, 2013

എന്തിനെന്‍ കണ്ണുകള്‍ നനയുന്നു?

 എന്തിനെന്‍ കണ്ണുകള്‍ നനയുന്നു?


പ്രായം പതിനാറു പോലുമാകും മുന്‍പെ-

യേകിയയാള്‍ക്കെന്നെയാരോ വധുവായി


ജീവിതമെന്തെന്ന് പോലുമറിയാതെ                           

ഞാനാ, ഗൃഹത്തിലൊരേഴയെപ്പോലെയായ്


പാവം, വിധവയാമെന്റെ മാതാവിന്നു

ദാരിദ്ര്യദു:ഖം മറികടന്നീടുവാന്‍

Saturday, September 7, 2013

രൂപയുടെ വിലയിടിയുന്നു


രൂപയുടെ വിലയിടിയുന്നു

 

രൂപയുടെ വിലയിടിയുന്നു എന്ന് കേള്‍ക്കുമ്പോള്‍ സാമ്പത്തികശാസ്ത്രം പഠിച്ചവരും പഠിക്കാത്തവരും ഒരുപോലെ ഭയപ്പെടുന്നു. പഠിക്കാത്തവര്‍ ടി.വി. യില്‍  നോക്കുമ്പോള്‍ ഡോളറിനു തുല്യമായി കാണിക്കുന്ന രൂപയുടെ തുക കൂടിവരുന്നതും മറുവശത്ത് വിലയിടിയുന്നു എന്ന് പറയുന്നതും കേട്ട് അമ്പരക്കുന്നു. ഒരു ഡോളര്‍ വാങ്ങാന്‍ കൂടുതല്‍ രൂപ കൊടുക്കേണ്ടിവരുമ്പോള്‍ ഇറക്കുമതിക്ക് കൂടുതല്‍ ഇന്ത്യന്‍ രൂപ വേണ്ടിവരുന്നു എന്നാണു രൂപയുടെ വിലയിടിയുന്നു എന്ന് പറയുന്നതുകൊണ്ട് അര്‍ത്ഥമാക്കുന്നത് എന്നറിയുമ്പോള്‍ എന്നാല്‍ പിന്നെ ഇറക്കുമതി ചെയ്യാതിരുന്നുകൂടെ എന്ന് സാധാരണക്കാരന്‍ ചിന്തിക്കുന്നു.

ഏറ്റവും കൂടുതല്‍ ഇറക്കുമതി ചെയ്യേണ്ടിവരുന്നത് പെട്രോള്‍, ഡീസല്‍ എന്നിവയാണല്ലോ? എന്‍റെ ഊഹം ശരിയാണെങ്കില്‍ പല യന്ത്രങ്ങളും അതോടൊപ്പം സ്വര്‍ണ്ണവും ആഡംബരവസ്തുക്കളും ഇന്ത്യക്ക് ഇറക്കുമതിചെയ്യേണ്ടിവരുന്നു.

പെട്രോള്‍, ഡീസല്‍ ഇവയ്ക്ക് കൂടുതല്‍ ഇന്ത്യന്‍ രൂപ കൊടുക്കേണ്ടിവരുമ്പോള്‍

Monday, September 2, 2013

സോളാര്‍ കേസ്

 സോളാര്‍ കേസ്

   സോളാര്‍ കേസ് സിറ്റിംഗ് ജഡ്ജി തന്നെ അന്വേഷിക്കണമെന്ന് പ്രതിപക്ഷം വാശിപിടിക്കുന്നത് എന്തിനെന്നു മനസ്സിലാക്കാന്‍ കഴിയുന്നില്ല.

    ന്യായത്തെയും അന്യായത്തെയും തെളിവിന്റെയും മൊഴികളുടെയും അടിസ്ഥാനത്തില്‍ തിരിച്ചറിയാന്‍ കഴിയുന്ന ആളാണ്‌ ജഡ്ജി (ജഡ്ജ് ചെയ്യാന്‍ കഴിവുള്ള ആള്‍). മുന്‍വിധികളില്ലാതെ ആയിരിക്കും അദ്ദേഹം പ്രശ്നത്തെ സമീപിക്കുക. അതിനെല്ലാം വേണ്ട കഴിവും മനോനിലയും ഒരു ദിവസം കൊണ്ട് ഉണ്ടാകുന്നതോ റിട്ടയര്‍ ആകുമ്പോള്‍  ഇല്ലാതാകുന്നതോ അല്ല. അറിവിലൂടെയും അനുഭവങ്ങളിലൂടെയും ആണ് ആ കഴിവ് ലഭിക്കുക. ആ കഴിവ് ഉള്ളവരാണ് സിറ്റിംഗ് ജഡ്ജിയും റിട്ടയര്‍ ആയ ജഡ്ജിയും. ഒരു സിറ്റിംഗ് ജഡ്ജിക്ക് ഒരു കമ്മീഷന്‍ എന്ന നിലയില്‍ ചെയ്യാന്‍ കഴിയുന്ന കാര്യങ്ങള്‍ റിട്ടയര്‍ ആയ ജഡ്ജിക്കും ചെയ്യാന്‍ കഴിയും എന്നാണു ഞാന്‍ മനസ്സിലാക്കുന്നത്. വാസ്തവത്തില്‍ സ്വതന്ത്രമായി തെളിവുകള്‍ പരിശോധിച്ചു വിശദമായ റിപ്പോര്‍ട്ട് കൊടുക്കാന്‍ റിട്ടയര്‍ ആയ ജഡ്ജിക്കാണ് കൂടുതല്‍ സമയവും സൌകര്യവും ലഭിക്കുക എന്ന് ഞാന്‍ കരുതുന്നു. പരിചയസമ്പന്നതയും അദ്ദേഹത്തിനായിരിക്കും സാധാരണനിലയില്‍ സിറ്റിംഗ് ജഡ്ജിയെക്കാള്‍ കൂടുതല്‍.  ഒരിക്കല്‍ റിപ്പോര്‍ട്ട് കൊടുത്തുകഴിഞ്ഞാല്‍ ബാക്കി കാര്യങ്ങള്‍ തീരുമാനിക്കേണ്ടത് സര്‍ക്കാരാണ്. (വാസ്തവത്തില്‍ പല കമ്മീഷന്‍ റിപ്പോര്‍ട്ടുകളിലും അടുത്ത നടപടി ഉണ്ടായിട്ടില്ല.).

Friday, August 30, 2013

കിളിവാതലിലൂടെ



കിളിവാതിലിലൂടെ


മുന്നിലും പിന്നിലും

കിഴിക്കെട്ടുകളുടെ ഭാരം പേറി

 അലയുന്നു മൂഢന്‍  നീ 

 ദുഖങ്ങള്‍ ഈ നിമിഷത്തില്‍

തന്നെയലിഞ്ഞില്ലാതാകും

 കാരണം അത് ഭൂതകാലമായിക്കഴിഞ്ഞു

 പക്ഷെ അതിനെ പൊതിഞ്ഞുതാങ്ങി

 നീ തോളിലേറ്റുന്നു കഷ്ടം!

 ഉല്‍ക്കണ്ഠ ഉദരം നിറയ്ക്കുമോ

 നാളെ പനി പിടിച്ചേക്കാം

അതിന് ഇന്ന് മരുന്ന് കഴിക്കണോ?

പക്ഷെ നാളത്തെ പനിയെ

 ഇന്നേ പൊതിക്കെട്ടിലാക്കി

Saturday, August 24, 2013

GOD’S OWN COUNTRY

     GOD’S OWN COUNTRY
  1. “You cannot visit places to-day. It is Hartal.”  Said the Taxi Driver to the foreign tourist.  

    “What?”

  2. “Hartal.”

    “Hurt all?”

  3. “Yes, Hartal.”

Saturday, August 10, 2013

HOLY SATAN (ഹോളി സാത്താന്‍)


HOLY SATAN

It was about six years after divorce that Pradeep took
to learning Computer seriously. He had enough works during daytime in the provision store he owned, but during the nights, he was feeling so lonely and restive that he had to find some or other works to keep him engaged, however small it may be, so as to keep his mind away from the two years of his wedded life. Seeing television till 11‘o’ clock in the night was beyond question and so he simply sat in his house looking at the darkness and listening the various noises till sleep took hold of him.

It was a friend who suggested learning computer, when he heard
about the problem. And it was a real solution. The friend taught the
basics of computer operations and within a period of six months, he became able to operate it independently. The friend had also helped him to have a mail id, and Pradeep had insisted on adding the year 2008 as part of his id. He did not disclose the importance of the
year to his friend, but it was the year of his divorce.Somehow, he felt it necessary to add the year with his mail id.

Sunday, August 4, 2013

മഹായാനം

  മഹായാനം 

വളരെയേറെ ഉയരമുള്ള ഒരു വൃക്ഷമായിരുന്നു അത്. അതിന്‍റെ ശാഖോപശാഖകള്‍ എല്ലാ ദിക്കിലേക്കും നീണ്ടുനിന്നു. ആ പുരയിടത്തിന്‍റെ മിക്കവാറും എല്ലാഭാഗത്തും അവ നിറഞ്ഞുനിന്നു. തുടക്കവും ഒടുക്കവുമില്ലാത്ത കാലത്തിന്‍റെ ചിറകടിപോലെ അതിന്‍റെ ഇലകള്‍ തുള്ളിക്കളിച്ചു.


      അതിന്‍റെ നേരെ നോക്കിനിന്നപ്പോള്‍ പണ്ടെങ്ങോ കേട്ടുമറന്ന ശാന്തിമന്ത്രങ്ങള്‍ അവന്‍റെയുള്ളില്‍ പുനര്‍ജ്ജനിച്ചു.

    ആ വൃക്ഷത്തിന്‍റെ പാദത്തില്‍ അവന്‍റെ മനസ്സ് ആദരവോടെയും എളിമയോടെയും നമിച്ചുനിന്നപ്പോള്‍ കാലാതീതമായ ഉണ്മയുടെ കുളിര്‍മ്മ തന്‍റെ സിരകളില്‍ നിറഞ്ഞുനില്‍ക്കുന്നതായി അവന് അനുഭവപ്പെട്ടു.

    ആ അനുഭവം തികച്ചും പൂര്‍ണ്ണമായപ്പോള്‍ സ്വയമറിയാതെ അവന്‍ ഉരുവിട്ടു.

Friday, August 2, 2013

സ്ത്രീധനം

സ്ത്രീധനം


കാറ്, വീട്, സ്വര്‍ണ്ണം. പോക്കറ്റ് മണി. മകള്‍ക്ക് വിവാഹാലോചനയുമായി വന്നവരുടെ ഡിമാന്‍ന്റുകള്‍ കേട്ടപ്പോള്‍


ശ്രീധരന്‍നായര്‍ അമ്പരന്നുപോയി. തനിക്ക് ആകെയുള്ള മുതല്‍ ഒരു ചെറിയ വീടും ചെറിയ കടയും കല്യാണപ്രായമായ


മകളും ഭാര്യയുടെ ഓര്‍മ്മകളും മാത്രം.


ഏറ്റവും അടുത്ത സ്നേഹിതനോടുമാത്രം സാധാരണപോലെ അയാള്‍ ഈ ദുഖവും പങ്കുവച്ചു.

Wednesday, July 31, 2013

പ്രപഞ്ചങ്ങള്‍

പ്രപഞ്ചങ്ങള്‍                             

പ്രശസ്തമായ ഒരു  ക്ഷേത്രം. അനേകം  തീര്‍ഥാടകരും സന്യാസിമാരും ദിവസവും സന്ദര്‍ശിക്കുന്ന മഹാക്ഷേത്രം.


സമയം രാത്രി എട്ടുമണി. ക്ഷേത്രത്തില്‍നിന്നു അല്‍പ്പം അകലെ ഒരു കടത്തിണ്ണയില്‍ ഒരാള്‍ കിടക്കുകയാണ്. ഉറങ്ങിക്കിടക്കുന്നതുപോലെ. ശ്വാസം  കഴിക്കുന്ന ശബ്ദത്തോടൊപ്പം മറ്റെന്തോ ഒരു ശബ്ദവും കൂടികേള്‍ക്കുന്നുണ്ട്. അത് കേട്ടിട്ട് ആദ്യം അടുത്തെത്തിയത് ഒരു സന്യാസി ആണ്. അദ്ദേഹം അല്‍പ്പനേരം ആ ശബ്ദം ശ്രദ്ധിച്ചുനിന്നു. അപ്പോഴേക്കും മറ്റൊരാള്‍ കൂടി അടുത്തെത്തി.

അയാളുടെ നേരെ തിരിഞ്ഞ് സന്യാസി പറഞ്ഞു:"ഏതോ വലിയ ഒരു ഭക്തനാണ്. കേട്ടില്ലേ, ഉറങ്ങുമ്പോഴും രാം രാം എന്ന് ജപിക്കുന്നത്‌?"

Friday, July 26, 2013

വിഷാദപ്പക്ഷികള്‍

വിഷാദപ്പക്ഷികള്‍ (കഥ)                      

എന്നും നാലരയാകുമ്പോഴേക്കും ഭര്‍ത്താവ് വീട്ടില്‍ തിരിച്ചെത്താറുള്ളതാണ്. ഇന്നെന്തുപറ്റി? അരിശമാണ് സുമിത്രയ്ക്കു തോന്നിയത്. ഓഫീസില്‍ യാതൊരു പണിയും ഇല്ലെന്നാണ് മിക്കപ്പോഴും പറയാറ്. വല്ലവിധവും നാലുമണിവരെ കുത്തിയിരുന്നിട്ട് തിരിച്ചുപോരികയാണത്രേ പതിവ്. മോന്‍റെ സ്കൂള്‍ ബസ്സ്‌ വരുന്നതിനു മുന്‍പുതന്നെ ഭര്‍ത്താവ് എത്താറുണ്ട്. ചായ തയാറാകുമ്പോഴേക്കും മകനും എത്തിച്ചേരും. ചായ കഴിഞ്ഞു മകന്‍ കുളിക്കാന്‍ പോകുമ്പോഴാണ് അദ്ദേഹത്തിന്‍റെ പത്രം വായനയും മറ്റും. സുമിത്രയും തന്‍റെ ജോലികള്‍ അതോടൊപ്പം തീര്‍ക്കും. അതിനുശേഷം, മകന്‍റെ പഠിത്തത്തിലൂടെ, അദ്ദേഹത്തിന്‍റെ ഓഫീസ് വിശേഷങ്ങളിലൂടെ, അയല്‍പക്കത്തുള്ളവരുടെ വിവരങ്ങളിലൂടെ പതുക്കെപ്പതുക്കെ രാത്രിയുടെ നിശ്ശബ്ദത ചുറ്റും പടരുമ്പോള്‍ അത്താഴം. ഒരിക്കലും ബോറടിക്കാത്ത സായാഹ്നങ്ങള്‍.

പക്ഷെ ഇന്ന് ഒന്നും ശരിയായി സുമിത്രയ്ക്കു തോന്നിയില്ല. മണിയാണെങ്കില്‍ അഞ്ചാകുന്നു. അദ്ദേഹത്തെക്കാത്ത് മകനും ചായ കുടിയ്ക്കാതിരിക്കുകയാണ്. തലവേദന മാറാന്‍ ചായ കുടിയ്ക്കുന്നത് നല്ലതാണെന്ന് പറഞ്ഞിട്ടും അവന്‍ കൂട്ടാക്കുന്നില്ല. അല്ലാതെതന്നെ തലവേദന മാറിക്കൊള്ളും എന്നാണവന്‍ പറയുന്നത്. ഏതായാലും ഇന്നുതന്നെ അവനെ ഡോക്ടറെ കാണിക്കണം. വന്നാലുടന്‍ തന്നെ അവനെ കൊണ്ടുപോകാന്‍ പറയണം. രണ്ടുമൂന്നുദിവസമായി ഉച്ചയ്ക്കുശേഷം തലവേദന വരുന്നു എന്ന് മോന്‍ പറഞ്ഞപ്പോള്‍ മുതല്‍ എന്തെന്നില്ലാത്ത ആധിയാണ് സുമിത്രയ്ക്ക്. തങ്ങളുടെ കൊച്ചുകുടുംബത്തിന്‍റെ ദുഖലേശമില്ലാത്ത ദിനങ്ങള്‍ അവസാനിക്കാറായോ എന്ന ഭയം.


അവന് കാര്യമായ അസുഖം ഒന്നും കാണുകയില്ലായിരിക്കും. സുമിത്ര സമാധാനിക്കാന്‍ ശ്രമിച്ചു.


സ്കൂട്ടറിന്‍റെ ശബ്ദം അവളെ ചിന്തയില്‍ നിന്ന് ഉണര്‍ത്തി. എന്നത്തേയുംപോലെ ഹെല്‍മെറ്റും കയ്യില്‍ തൂക്കിയെത്തിയ ദിവാകരനെ കണ്ടപ്പോള്‍ തന്‍റെ അര്‍ത്ഥഹീനമായ ഭയത്തെപ്പറ്റി അവള്‍ക്കു തന്നെ ലജ്ജ തോന്നി. എല്ലാം അതുപോലെതന്നെ.

Wednesday, July 17, 2013

വിശ്വാസം

 വിശ്വാസം


വര്‍ഷം ആയിരത്തിതൊള്ളായിരത്തി നാല്‍പ്പത്തിഎഴ്.


ആഗസ്റ്റ്‌ പതിനെട്ടാം  തീയതി.


അമൃതസറില്‍ നിന്നും ഇരുപത് മൈല്‍ ദൂരെയുള്ള ഒരു ഗ്രാമം.


തന്‍റെ കുടിലിനുള്ളില്‍ ദൂരെയുള്ള പാടത്തേക്കു മിഴിനട്ട് ഇരിക്കുകയാണ് അഖ്തര്‍ മിയാം. പച്ചത്തലപ്പുകള്‍ ആ വൃദ്ധന്‍റെ കണ്ണുകള്‍ക്ക് കടുത്ത വെയിലിന്‍റെ ചൂടില്‍ നിന്നും ഒരല്‍പം ആശ്വാസം നല്‍കി.


"ജീവിതകാലം മുഴുവന്‍ ഈ പച്ചപ്പ്‌ നോക്കിക്കൊണ്ട് ഇരിക്കാന്‍ കഴിഞ്ഞിരുന്നെങ്കില്‍!" അയാള്‍ ചിന്തിച്ചു. "കാറ്റില്‍ ചലിക്കുന്ന ഈ ഗോതമ്പുചെടികള്‍ എന്‍റെ ജീവന്‍ തന്നെയായിരിക്കുന്നൂ ഇപ്പോള്‍."


ദൂരെനിന്ന് കേട്ട ഒരു ശബ്ദം അയാളെ ചിന്തയില്‍ നിന്നുണര്‍ത്തി.

"അഖ്തര്‍ ചാച്ചാ, പെട്ടെന്ന് തയാറാകൂ. നമ്മളെല്ലാം ഇവിടം വിട്ടു പോകുകയാണ്."


തിരിഞ്ഞുനോക്കിയ അഖ്തര്‍ കണ്ടത് ഉറക്കെ സംസാരിച്ചുകൊണ്ട് തന്‍റെ നേരെ നടന്നടുക്കുന്ന കാസിം ഭായിയുടെ മൂത്ത മകന്‍ അന്‍വറിനെയാണ്.

"എന്തുപറ്റി മോനെ?" അഖ്തര്‍ അവനോട് ഉറക്കെ വിളിച്ചുചോദിച്ചു.


അപ്പോഴേക്കും അന്‍വര്‍ ഓടിക്കിതച്ച് അയാളുടെ അടുത്ത് എത്തിക്കഴിഞ്ഞിരുന്നു. കിതപ്പുമൂലം അവ്യക്തമായ ശബ്ദത്തില്‍ അവന്‍ അഖ്തറിനോട്‌ പറഞ്ഞു:

"ഒന്ന് പെട്ടെന്നിറങ്ങൂ ചാച്ചാ. ഗ്രാമം മുഴുവന്‍ തയാറായിക്കഴിഞ്ഞു. എന്നിട്ടും ചാച്ചാ ഇവിടെ വെറുതേ ഇരിക്കുകയാണോ?"


"പക്ഷെ എല്ലാരും എങ്ങോട്ടാണീ പോകുന്നത്?"


"അപ്പോള്‍ ഒന്നും അറിഞ്ഞില്ലേ?" അതിശയത്തോടെ അന്‍വര്‍ ചോദിച്ചു.

Saturday, July 6, 2013

ഒരു കൊലക്കേസ് വിചാരണ

ഒരു കൊലക്കേസ് വിചാരണ

ആ കൊലപാതകക്കേസിന്‍റെ ഹീയറിംഗ് ഇന്നാണ്. ഇരുപത്തഞ്ചു വര്‍ഷങ്ങള്‍ക്കുമുന്‍പ് നടന്ന ഒരു കൊലപാതകം. പ്രതിക്ക് നാല്‍പ്പത്തഞ്ചു വയസ്സുള്ളപ്പോള്‍ ചെയ്ത കൊലപാതകം.

അന്ന് പത്രങ്ങളുടെ ഒന്നാം പേജില്‍ വന്ന ഒരു വാര്‍ത്തയായിരുന്നു അത്. അക്കാലത്ത് കൊലപാതകങ്ങള്‍ സാധാരണമായിരുന്നില്ല എന്നതുകൊണ്ടാകണം അത് ഒരു പ്രധാനവാര്‍ത്തയായത്.

രാമഭദ്രന്‍റെ വീട്ടിലെ ചെറുപ്പക്കാരിയും അവിവാഹിതയുമായ വേലക്കാരിയാണ് രാത്രിയില്‍ കഴുത്തുഞെരിച്ചു കൊല്ലപ്പെട്ടത്. ഒരു ചൊവ്വാഴ്ച ആയിരുന്നു സംഭവം. രാമഭദ്രന്‍ എല്ലാ ആഴ്ചയിലെയുംപോലെ തിങ്കളാഴ്ച തന്നെ     എറണാകുളത്തേക്ക് മടങ്ങിപ്പോയിരുന്നു. വീട്ടില്‍ ഭാര്യയും മകളും വേലക്കാരിയും മാത്രമായിരുന്നു. ഭാര്യയും മകളും മുകളിലത്തെ മുറിയിലാണ് ഉറങ്ങിയത്. വേലക്കാരി താഴത്തെ നിലയില്‍ അടുക്കളയോടുചേര്‍ന്നുള്ള ചെറിയ മുറിയിലും.

അന്ന് രാത്രി ഭയങ്കരമഴയായിരുന്നു. അതുകൊണ്ടുകൂടിയാകണം, ഭാര്യയും മകളും യാതൊരു ശബ്ദവും കേട്ടില്ല.

താഴേക്കിറങ്ങിവന്ന രാമഭദ്രന്‍റെ ഭാര്യയാണ് ശവശരീരം ആദ്യം കണ്ടത്. അവര്‍ അലറിനിലവിളിച്ചപ്പോള്‍ മകളും അയല്‍ക്കാരും വന്നു.  ആരോ വിവരമറിയിച്ചപ്പോള്‍ പോലീസും എത്തി.

ജഡം പൂര്‍ണ്ണനഗ്നമായിരുന്നു. ബലാത്സംഗശ്രമത്തിനിടയില്‍ കഴുത്തുഞെരിച്ചു കൊന്നതാണെന്ന് പോലീസിനു മനസ്സിലായി.

ശവശരീരത്തില്‍ നിന്നോ ചുറ്റുപാടുനിന്നോ ഏതെങ്കിലും വിരലടയാളമോ മറ്റ് എന്തെങ്കിലും തെളിവോ ലഭിച്ചില്ല.

പോലീസ് എല്ലാവരെയും ചോദ്യം ചെയ്തു. രാമഭദ്രന്‍ ആ രാത്രിയില്‍ സ്ഥലത്ത് ഉണ്ടായിരുന്നില്ലെങ്കിലും അയാളെയും വിളിച്ചുവരുത്തി ചോദ്യം ചെയ്തു. പക്ഷെ ആരാണ് ചെയ്തതെന്നതിനെപ്പറ്റി ഒരു ഊഹം പോലും പോലീസിനു ലഭിച്ചില്ല.

വര്‍ഷങ്ങള്‍ കഴിഞ്ഞപ്പോള്‍ തെളിയാതെപോയ കേസ്സുകളുടെ പട്ടികയില്‍ അതും സ്ഥലം പിടിച്ചു.

പക്ഷെ.....

Friday, June 28, 2013

ഇരുപത്തൊന്നാം നൂറ്റാണ്ട്


ഇരുപത്തൊന്നാം നൂറ്റാണ്ട് 

 ഇരുളിന്‍റെ മഴമൂടി, മറ മൂടി, പുകമൂടി

പുളകങ്ങളില്ലിന്നു ഗദ്ഗദങ്ങള്‍ മാത്രം

തിരയുന്നുഷസ്സിനെ,യോരുപിടി ചാരത്തില്‍

ധരായം  ശവപ്പറമ്പിന്നങ്കണങ്ങളില്‍

കുരുതികൊടുത്ത കബന്ധങ്ങള്‍ തന്‍ കുന്നു-

പുഴയിലൊലിക്കുന്നു ചോരപ്പുഴയതില്‍

പ്രളയക്കൊടുങ്കാറ്റി,ലന്ധകാരത്തിലാ-

ചുടുനിണത്തിന്‍ തേങ്ങല്‍, അലയടിച്ചുയരുന്നു


Sunday, June 23, 2013

അപരിചിതര്‍

                     അപരിചിതര്‍

ഇന്നോളമെന്‍ നേത്രം നിന്നെ ദര്‍ശിച്ചതി-

ല്ലിന്നോളം ഞാന്‍ നിന്‍ സ്വരം കേട്ടതില്ല

എങ്കിലും ഞാനറിയുന്നു നിന്നേയൊരു

പൂഞ്ചോലതന്‍ മൌനഗാനമായി

 ഏതോ വിദൂരഗ്രഹത്തിലാകാം നീയല്ലെങ്കി-

ലേതോ നക്ഷത്രത്തിന്‍ സ്വന്തമാകാം

Monday, June 17, 2013

അല്ല പൊട്ടുമോ ഇല്ലയോ ?????

അല്ല പൊട്ടുമോ ഇല്ലയോ ?????
അല്ല  സുഹൃത്തേ ഒരു സംശയം ഈ മുല്ലപെരിയാര്‍ ഡാം കേരളത്തില്‍ നിന്നും തമിഴ്‌നാട്ടിലേക്കു എങ്ങാനം മാറ്റി  സ്ഥാപിച്ചോ !!
മഴ വന്നു ഡാമുകള്‍ നിറഞ്ഞു തുടങ്ങി , പക്ഷെ ഈ  മുല്ലപെരിയാര്‍ സമരക്കാരെ കാണാന്‍ ഇല്ലല്ലോ?                        
 ഈ ജോസഫ്‌ അച്ചായനും മലയോര കോണ്‍ഗ്രസും എല്ലാം എവിടെ ?, ഒരു കൊച്ചു ഹര്‍ത്താലോ വഴിതടയിലോ ഒക്കെ നടത്തി ഈ പാവം ജനത്തിനെ ഒന്ന് സന്തോഷിപ്പിച്ചാല്‍ എന്താ കുഴപ്പം;

Sunday, June 16, 2013

ക്വിസ്

ക്വിസ്


വിശ്വപ്രസിദ്ധനായ മനശാസ്ത്രജ്ഞന്‍ ഇന്ത്യയിലെ വിവിധസംസ്ഥാനങ്ങളിലെ വിദ്യാര്‍ഥികളോട് സംസാരിക്കുകയായിരുന്നു.


"നിങ്ങള്‍ക്ക് ഒരാളോട് വിരോധം തോന്നുന്നു. പക്ഷേ അയാളെ ഒന്നും ചെയ്യാന്‍ കഴിയുന്നില്ല. അങ്ങനെ വന്നാല്‍ നിങ്ങള്‍ക്കെന്തുതോന്നും? പെട്ടെന്ന് തോന്നുന്ന മറുപടി പറയണം."

ഓരോരുത്തരെയായി അടുത്തുവിളിച്ചു് അദ്ദേഹം ചോദിച്ചു.

Thursday, June 13, 2013

വേണോ നമുക്ക് ഇത്രയും അണ്‍ എയിഡഡ് സ്കൂളുകള്‍?

വേണോ നമുക്ക് ഇത്രയും അണ്‍ എയിഡഡ് സ്കൂളുകള്‍?
അണ്‍ എയിഡഡ് സ്കൂളുകള്‍ കൂണു പോലെ ഓരോ ദിവസവും പൊട്ടി മുളച്ചു കൊണ്ടിരിക്കുകയാണ്. എനിക്ക് അറിയാവുന്ന പോസ്റ്റ്‌ ഗ്രാജുവേഷന്‍ ഉള്ള പട്ടികജാതി വിഭാഗത്തില്‍പ്പെട്ട ഒരു പെണ്‍കുട്ടി എന്‍റെ പ്രദേശത്തെ ഒരു അണ്‍ എയിഡഡ് സ്കൂളില്‍ അധ്യാപക ജോലിക്കായി ഇന്റര്‍വ്യൂവിനു പോയി . പോസ്റ്റ്‌ ഗ്രാജുവേഷന്‍ ഉള്ള ഈ കുട്ടിയെ ജോലിക്ക് എടുത്തില്ല എന്നു മാത്രമല്ല ഞാന്‍ പറഞ്ഞ കുട്ടിയോടൊപ്പം +2 വിനു പഠിച്ച് ആദ്യ തവണ തോറ്റ മറ്റൊരാളെ അവിടെ അദ്ധ്യാപിക യായി നിയമികുകയും ചെയ്തു .

Sunday, June 9, 2013

വിവരാവകാശനിയമം


             വിവരാവകാശനിയമം

 രാഷ്ട്രീയപ്രവര്‍ത്തനത്തെ വിവരാവകാശനിയമത്തിന്‍റെ പരിധിയില്‍ കൊണ്ടുവരുന്നതിനെ മിക്കവാറും എല്ലാ രാഷ്ട്രീയപ്പാര്‍ട്ടികളും എതിര്‍ക്കുകയാണല്ലോ. രാഷ്ട്രീയപ്രവര്‍ത്തനത്തില്‍ രഹസ്യമായി വയ്ക്കേണ്ട പലതും ഉണ്ടാകുമെന്നും അതെല്ലാം പരസ്യപ്പെടുത്തിയാല്‍ അത് പാര്‍ട്ടിയുടെ പ്രവര്‍ത്തനത്തെ ബാധിക്കുമെന്നുമാണ് അവരുടെ വാദം. അതായത് പൊതുജനങ്ങളുടെ വോട്ടുവാങ്ങി ഭരണത്തിലേറുന്നവര്‍ക്ക് പൊതുജനങ്ങളില്‍ നിന്ന് മറച്ചുവയ്ക്കേണ്ട പലതും ഉണ്ടാകും എന്നര്‍ത്ഥം.

Friday, June 7, 2013

ഇങ്ങനെയും ലാഭമുണ്ടാക്കാം

ഇങ്ങനെയും ലാഭമുണ്ടാക്കാം


"ഒരു കമ്പനിയില്‍ ഇരുപതു തൊഴിലാളികളുണ്ട്. ഒരാളിന്‍റെ ശമ്പളം അയ്യായിരം രൂപ. അപ്പോള്‍ അവിടെ രണ്ടുപേരെ കുറച്ചാല്‍ ലാഭം എത്ര  രൂപ ലഭിക്കും?" അദ്ധ്യാപകന്‍ ചോദിച്ചു.

"പതിനായിരം രൂപ."

"ഇരുപതുപേരെ കുറച്ചാലോ?"

"ഒരു ലക്ഷം രൂപ."

"അതെങ്ങനെ? ഇരുപതുപേരെയും പറഞ്ഞുവിട്ടാല്‍ കമ്പനി പൂട്ടിപ്പോകുകയില്ലേ? അപ്പോഴെങ്ങനെ ലാഭമുണ്ടാകും?"

"അത് പൊതുമേഖലയിലുള്ള ഒരു കമ്പനിയായിരുന്നു സാര്‍."

               &&&&&&&&&


കൃഷ്ണ

Wednesday, June 5, 2013

കേരളത്തിന്‍റെ വൈദ്യുതി വികസനം - അഭിപ്രായ സര്‍വ്വെ

 കേരളത്തിന്‍റെ വൈദ്യുതി വികസനം - അഭിപ്രായ സര്‍വ്വെ

കെഎസ്ഇബി അപ്പീസ്സര്‍മാരുടെ ശങ്കടന നടത്തിയ പൊതുജന ശര്‍വ്വേയില്‍ നിന്നു 'വേരോടെ മാന്തിപ്പറിച്ച' ഒരു ഏട്. ഇനി അപ്പീസ്സര്‍മാര്‍ എല്ലാരും കൂടി ഇതിന്‍റെ പേരില്‍ എന്നെ തല്ലാന്‍ വരുമോ അതോ കറന്‍റടിപ്പിച്ചു കൊല്ലുമോ എന്നു പേടിച്ചാ ഈ പോസ്റ്റ്‌ ഇടുന്നത്‌; എന്തായാലും വരാനുള്ളതു 'ലൈനില്‍' തങ്ങില്ലല്ലോ... അഭിപ്രായങ്ങള്‍ അറിയിച്ചാല്‍ നന്ന്.

Tuesday, June 4, 2013

എന്‍റെ മരണവും പുനരുത്ഥാനവും

എന്‍റെ മരണവും പുനരുത്ഥാനവും 

             ചിട്ടിക്കമ്പനിയില്‍ ഇനി മൂന്നുമാസംകൂടിയെ എനിക്ക് ജോലി ചെയ്യേണ്ടതുള്ളൂ. അതിനുശേഷം പിരിഞ്ഞുപോകാം. മുതലാളിയുടെ അറിയിപ്പ് കിട്ടിയപ്പോള്‍ എനിക്ക് സന്തോഷമാണ് തോന്നിയത്. രാവിലെ കമ്പനിയിലെത്തുക, ആരെങ്കിലുമൊക്കെ കൊണ്ടുവന്നുതരുന്ന ചെക്കും പണവുമൊക്കെ വാങ്ങിവയ്ക്കുക, വൈകുന്നേരം മുതലാളി വരുമ്പോള്‍  ഓഛാനിച്ചുനിന്ന് അയാളുടെ ശരീരത്തില്‍നിന്ന് ഉയരുന്ന വിയര്‍പ്പിന്‍റെ ദുര്‍ഗന്ധം സഹിച്ച് കണക്കുകളും തുകയും ചെക്കുകളും നല്‍കുക; ഇതിലേറെയൊന്നും അവിടെ എനിക്ക് ചെയ്യാനില്ലായിരുന്നു. അതിനുശേഷം നേരെ മുറിയിലെത്തി നാറുന്ന വിയര്‍പ്പില്‍ മുങ്ങിത്താഴുന്നതോടെ എന്‍റെ ദിവസം അവസാനിക്കുകയായി.  ചിട്ടിക്കമ്പനിയും എന്‍റെ മുറിയും ഹോട്ടലിലെ പയ്യന്‍ സ്ഥിരമായി എത്തിച്ചിരുന്ന ആഹാരവും കൂടാതെ വേറെ പലതും ഈ ലോകത്തുണ്ടെന്ന കാര്യം തന്നെ ഞാന്‍ മറന്നുകഴിഞ്ഞിരുന്നു. പക്ഷെ താമസിയാതെ ഈ ജോലി അവസാനിക്കുമെന്ന് അറിഞ്ഞ നിമിഷം മുതല്‍ ഞാന്‍ മറ്റുകാര്യങ്ങളെപ്പറ്റി ചിന്തിച്ചുതുടങ്ങി. അതോടെ കമ്പനി ഇത്രയുംനാള്‍ ഒരു തടവറ മാത്രമായിരുന്നെന്ന ബോധം എന്നിലുദിച്ചു. പുറത്തെ തിളങ്ങുന്ന വെയിലിന്‍റെ സൗന്ദര്യവും അന്നുവരെ ഞാന്‍ ശ്രദ്ധിച്ചിട്ടില്ലാത്ത ചെടികളുടെയും വൃക്ഷങ്ങളുടെയും വിഭിന്ന നിറങ്ങളും പക്ഷികളുടെ കലപില ശബ്ദവും കാറ്റിലലിഞ്ഞ കടലിന്‍റെ ഗന്ധവും എന്നെ ഹഠാദാകര്‍ഷിച്ചു. മൂന്നുമാസങ്ങല്‍ക്കുശേഷം ഇവയെല്ലാം എന്‍റേതുകൂടിയാകുമെന്ന അറിവിന്റെ ആഹ്ലാദം പങ്കുവയ്ക്കാന്‍ ഒരു ചങ്ങാതിയില്ലാതായിപ്പോയതിന്‍റെ ദുഃഖം തീവ്രമായി എന്നിലുണര്‍ന്നു. നഷ്ടങ്ങളുടെ ആഴം ഒരു ശൂന്യതയായി എന്‍റെ ചിന്തകളില്‍ നിറഞ്ഞു. അതിന്‍റെ ചുഴിയിലമര്‍ന്നലിഞ്ഞ് എന്‍റെ ഉന്മേഷം പൂര്‍ണ്ണമായി നഷ്ടപ്പെട്ടു. 

Friday, May 24, 2013

ത്രിവേണി


               ത്രിവേണി

 ഇന്നോളമെന്നേ പിരിയാത്ത പൊന്മക-

നിന്നിതാ താഴെ പിണമായുറങ്ങുന്നു.

വേദനയേതുമറിയില്ലിനിയവന്‍

വേദനയെല്ലാമെനിക്കായ് പകര്‍ന്നുവോ?

എന്‍ സ്വപ്നമെല്ലാമവനായിരുന്നവ-

യൊന്നുമിനി,യെനിയ്ക്കായി ജനിക്കീല

ആദിത്യതുല്യം പ്രശോഭിച്ചതെല്ലാമൊ-

രാറടിമണ്ണിലെന്‍ മുന്നില്‍ ലയിക്കാനോ?

നിന്‍ താതനെന്നെപ്പിരിഞ്ഞൊരു ദുര്‍വിധി

നിന്‍ പുഞ്ചിരിയില്‍ മറന്നു ഞാന്‍, പക്ഷെയി-

ന്നീ,വിധിയെന്നെ തളര്‍ത്തുന്നു ദൈവമേ

ഞാനിനിയെന്തിനു ജീവിച്ചിരിക്കണം?

ഇത്ഥം വിലപിച്ചുഴറുമായമ്മതന്

മുറ്റത്തു ദു:ഖമടക്കിനിന്നൂ ജനം

ഏകമകനും പിരി,ഞ്ഞിനി പാവത്തി-

നാരുണ്ട് താങ്ങായ്, തുണയായ്‌, സ്വന്തമായ്‌

കോടീശ്വരി, യിവരെങ്കിലും സമ്പത്തു

സ്നേഹ,ബന്ധങ്ങള്‍ തന്‍ സ്വാന്തനമേകുമോ?

ഏവം മനോഗതങ്ങള്‍ക്കങ്ങിടയിലായ്‌

കേവലം ബന്ധുവായോരു വയോവൃദ്ധ-

നോര്‍മ്മയിലെന്തോ തടഞ്ഞപോല്‍ പുഞ്ചിരി-

ച്ചായതപ്പോള്‍തന്നെ ഭീതിപൂര്‍വം മറ-

ച്ചാകെയും ചുറ്റിനും വീക്ഷിച്ച നേരത്തു

ദൂരെ,യടുത്ത സുഹൃത്തിനെ കണ്ടയാ-

ളേതോ നിനച്ചുറപ്പിച്ചപോലങ്ങോട്ടു

നീങ്ങി,യടുത്തെത്തി പാണിയില്‍ സ്പര്‍ശിച്ച-

യാളെയുണര്‍ത്തി,യക്കാതിലെന്തോ ചൊല്ലി

ആയതുകേട്ടു ഞെട്ടിത്തിരിഞ്ഞാ,പുമാന്‍

ക്രോധമോടോതി നീ,യീവക വിഡ്ഢിത്ത-

മോതരുതാരോടു, മല്ലെങ്കിലീ ജനം

താഡിച്ചു താഡിച്ചു കൊന്നു നിന്‍ നേത്രങ്ങള്‍

ചൂഴ്ന്നെടുത്താ,യതു ദാനമായേകി,നി-

ന്നാഗ്രഹപൂര്‍ത്തി വരുത്തിടും നിര്‍ണ്ണയം

പാവം ഭയന്നക,ന്നായാത് കേട്ടിനി

ഞാനുരയ്ക്കില്ലല്ലോ,യീവക നന്മകള്‍

പോകാമിനി ഞാനിവിടെ നിന്നാലയാള്‍

ഏതെങ്കിലും ബന്ധുവോടിതു ചൊല്ലുകില്‍

ആയവരെന്നെ ശപിച്ചിടും നിശ്ചയം

ഞാനെന്തിനേല്‍ക്കണ, മായതേതോ ഭാഗ്യ-

ഹീനനുവേണ്ടി,യിനിചൊല്ലുകില്ല ഞാ-

നീവകയൊന്നുമൊരിക്കലുമാരോടു-

മാരെങ്കിലും സഹിച്ചോട്ടെ തന്‍ ദൈന്യത

ഞാന്‍ ദൈവമല്ലല്ലോ കാഴ്ചയേകീടുവാന്‍.      

Sunday, May 12, 2013

കാത്തിരിപ്പ്‌

കാത്തിരിപ്പ്‌ 

 

 

 

 

 

(കണ്ണുനീര്‍പ്പൂവിന്‍റെ കവിളില്‍ തലോടി...എന്ന മട്ട്)

വൈശാഖസന്ധ്യതന്‍ മിഴികള്‍ നനഞ്ഞൂ

ചക്രവാകപ്പക്ഷി തേങ്ങിക്കരഞ്ഞൂ

ജപമാലയേന്തി കാതോര്‍ത്തിരുന്നൂ

വീണ്ടും നിശ്ശബ്ദയായ്‌ ക്ഷോണി...ഇരുട്ടില്‍

തുടിക്കുന്ന ദീപമായ്‌ തേങ്ങി    (വൈശാഖ...)


ഒരു മണിപ്രാവിന്‍റെ ദുഃഖം

ചിറകറ്റയിണയെ തിരഞ്ഞൂ

ഒരു ചൂടുകാറ്റാഞ്ഞടിച്ചു...ഹൈമ-

കിരണവും മന്ദം മറഞ്ഞൂ

വരവേല്‍ക്കുവാന്‍ ഇനിയാരിനി

തനിയേ നിലയ്ക്കുന്നു നാദം

തെളിയേണമേ ഇനിയോര്‍മ്മയില്‍

ഒരു മാരിവില്ലിന്‍റെ വര്‍ണ്ണം.....ഉറയുന്ന

കണ്ണീര്‍ക്കണത്തിന്‍റെ മുത്തം  (വൈശാഖ...)

Thursday, May 9, 2013

വേദവ്യാസനും മഹാഭാരതവും ഞാനും

വേദവ്യാസനും മഹാഭാരതവും ഞാനും


ചിന്തിച്ചിട്ട് ഒരു പിടിയും കിട്ടുന്നില്ല. ഈ കയ്യെഴുത്തുപ്രതി എന്‍റെ കയ്യില്‍ വന്നതെങ്ങനെ? വളരെ വലിയ ഒരു പുസ്തകം. എല്ലാം പദ്യങ്ങള്‍. പേരും ഉണ്ട്. മഹാഭാരതം. എഴുതിയത് ആരാണെന്ന് നോക്കി. ഒരു സംശയവുമില്ല. ഞാന്‍ തന്നെ.

ഞാന്‍ പുസ്തകം മറിച്ചുനോക്കി. ഏതാനും ശ്ലോകങ്ങള്‍ വായിച്ചു. ശരിക്കും മനസ്സിലാകുന്നില്ല. ഇത് എപ്പോഴെഴുതി? ഞാന്‍ തന്നെയാണോ എഴുതിയത്? അതോ എന്‍റെ പേരുവച്ച് വേറെ ആരെങ്കിലും? പക്ഷെ അങ്ങനെ ആരും ചെയ്യുകയില്ലല്ലോ?

ഏതായാലും ഞാന്‍ എഴുതിയതാണെന്നല്ലേ കാണുന്നത്? പ്രസിദ്ധീകരിക്കാം.

ഞാന്‍ ആദ്യം കണ്ട പുസ്തകപ്രസിദ്ധീകരണശാലയില്‍ കയറി. മാനേജരെ കണ്ടു. കാര്യം പറഞ്ഞു. കയ്യെഴുത്തുപ്രതി   കൊടുത്തു.

അദ്ദേഹം കയ്യെഴുത്തുപ്രതിയുടെ ആദ്യത്തെ പേജ് നോക്കി. പിന്നീട് അവസാനത്തേതും. പേജുകള്‍ക്ക് നമ്പര്‍ ഇട്ടിരിക്കുന്നത് അപ്പോഴാണ്‌ ഞാന്‍ ശ്രദ്ധിച്ചത്.


മാനേജര്‍ കാല്‍കുലേറ്ററില്‍ എന്തൊക്കെയോ കണക്ക് കൂട്ടി.

"ഒരു ലക്ഷത്തിപതിനായിരം രൂപ അടയ്ക്കണം." അദ്ദേഹം പറഞ്ഞു.

ഞാന്‍ ഞെട്ടിപ്പോയി. തല്‍ക്കാലം പത്തുരൂപാ പോലും കയ്യിലില്ല. ശ്രമിച്ചാല്‍ പതിനായിരം വരെ ശരിയാക്കാന്‍ കഴിഞ്ഞേക്കും. പക്ഷെ ബാക്കി ഒരു ലക്ഷം?

Tuesday, May 7, 2013

സൗഹൃദം

             സൗഹൃദം

 നിര്‍വചിക്കാനാവില്ല ആര്‍ക്കുമൊരുനാള്‍          

ഇതിനുള്ള ആഴവും വ്യാപ്തിയുമെത്രയെന്ന്

പ്രവചിക്കാനാവില്ല ആര്‍ക്കുമൊരുനാള്‍

ഇതിനുള്ള  ആയുസ്സ്‌ എത്രമാത്രമെന്ന്

എങ്കിലും സാധിക്കും ഒരു കാര്യമെന്നും

സൂക്ഷിച്ചുവെക്കാം ലോക്കറിലല്ലാതെ...


***   ***    ***    ***   ***   ***   ***


ഭാഗ്യലക്ഷ്മി
സ്റ്റാന്‍ഡേര്‍ഡ് 5
സെന്റ്മേരീസ് ബഥനി പബ്ലിക് സ്കൂള്‍
കല്ലുംമൂട്,കായംകുളം

Sunday, May 5, 2013

സര്‍ക്കസ്സ്

             ര്‍ക്കസ്സ്


നീലാംബരത്തിലൊരായിരം ചായങ്ങള്‍

ചാലിച്ച വര്‍ണ്ണം പരക്കെത്തിളങ്ങുന്നു


വാനിലെ സര്‍ക്കസ്സുതാരങ്ങളൊക്കെയും

കൂടാരമാകെ നിറഞ്ഞു കവിയുന്നു


ഊഞ്ഞാലിലാടുന്നു, പിന്നാലെപായുന്നു

കീഴ്മേല്‍ തൊടാതെ നിശ്ശബ്ദരായ് നില്‍ക്കുന്നു


ദുന്ദുഭി നാദം മുഴങ്ങുന്നിടക്കിടെ

ആകാശദീപം കറങ്ങി ത്തിളങ്ങുന്നു 


പിന്നെ വടംവലി തമ്മില്‍ നടത്തുന്നു

നില്‍ക്കുന്ന നില്‍പ്പില്‍ കറങ്ങിക്കളിക്കുന്നു

Friday, May 3, 2013

അറിവ്

   അറിവ്

സ്വന്തം നോവല്‍ പാഠപുസ്തകമായെടുതെന്നറിഞ്ഞ നോവലിസ്റ്റ് സന്തോഷം കൊണ്ട് കരഞ്ഞുപോയി. അത് പഠിക്കുന്നവരില്‍ സ്വന്തം മകനും.


നോവലിസ്റ്റിന്റെ കാഴ്ചപ്പാടിലൂടെ അവന് എല്ലാം വിശദീകരിച്ചുകൊടുത്തു. പഠിക്കാന്‍ മിടുക്കനാണവന്‍.


പക്ഷെ റിസള്‍ട്ട്‌ വന്നപ്പോള്‍ അവനു മാര്‍ക്ക് ഏറ്റവും കുറവ്.

"അവരെല്ലാം ഗൈഡ് വാങ്ങിച്ചാ പടിച്ചത്." അവന്‍ പറഞ്ഞു.


അതുകേട്ട നോവലിസ്റ്റ് പൊട്ടിച്ചിരിച്ചുപോയി.  

&&&&&&&&&&&&&&&&&&&&&&&&&&&&&&&&&&&&&&&

കൃഷ്ണ


Wednesday, May 1, 2013

പുതുമയുടെ കാവല്‍ക്കാരന്‍

പുതുമയുടെ കാവല്‍ക്കാരന്‍


"ഒരല്‍ഭുതത്തിനു മാത്രമേ ഇനി നിങ്ങളുടെ ഭര്‍ത്താവിനെ രക്ഷിക്കാനാകൂ."
ഡോക്റ്ററുടെ വാക്കുകള്‍ അവളുടെ എല്ലാ പ്രതീക്ഷയും തകര്‍ത്തു. മുന്നോട്ടു ചിന്തിക്കാന്‍ പോലുമാകാതെ അവള്‍ തറയില്‍ തളര്‍ന്നിരുന്നു. പിന്നെയെപ്പോഴോ തേങ്ങലുകള്‍ ഒന്നടങ്ങിയപ്പോള്‍ അവളുടെ മനസ്സില്‍ ചിന്തകള്‍ പുനര്‍ജ്ജനിച്ചു.

തന്നെപ്പറ്റിയും തന്‍റെ കുഞ്ഞിനെപ്പറ്റിയും മരണക്കിടക്കയിലുള്ള ഭര്‍ത്താവിനെപ്പറ്റിയും അവള്‍ ഓര്‍ത്തു. കഴിഞ്ഞുപോയ നാളുകള്‍ വീണ്ടും ഓര്‍മ്മകളിലെത്തിയപ്പോള്‍ തങ്ങളുടെ ബന്ധത്തെപ്പറ്റി അവള്‍ ചിന്തിച്ചു.

അദ്ദേഹത്തെ താന്‍ സ്നേഹിക്കുന്നുണ്ടെങ്കിലും ഇപ്പോള്‍ മനസ്സിലുള്ളത് സഹതാപമാണ്. തന്‍റെ ഉദരത്തിലുള്ള കുഞ്ഞിനോടുതോന്നുന്നതും സഹതാപമാണെന്നും യഥാര്‍ത്ഥത്തില്‍ താന്‍ ദുഖിക്കുന്നത് തനിക്കുവേണ്ടി മാത്രമാണെന്നും അവള്‍ അറിഞ്ഞു. ഭര്‍ത്താവ്‌ നഷ്ടപ്പെടുന്നതിലേറെ മറ്റെന്തോ ആയിരുന്നു അതിന്‍റെ കാരണം. പക്ഷെ അതെന്താണെന്ന് തിരിച്ചറിയാന്‍ അവള്‍ക്കു കഴിഞ്ഞില്ല.

പക്ഷെ അതിനെല്ലാം ഉപരിയായി നിന്നത് ഒരല്‍പം മനസമാധാനത്തിനു വേണ്ടിയുള്ള ഉല്‍ക്കടമായ ആഗ്രഹമാണ്.

Monday, April 29, 2013

നാറാണത്തുഭ്രാന്തന്‍

  നാറാണത്തുഭ്രാന്തന്‍

 

ഉരുട്ടിക്കയറ്റുന്നു കര്‍മ്മാശ്മഭാരം

മരത്തില്‍ കുരുങ്ങും ജടാമേഘമാല

പദേ മുള്ളുടക്കുന്നു പാഷാണഗ്രസ്തം

ശിലാഭാരമിഞ്ചിഞ്ചുയര്‍ത്തുന്നു മര്‍ത്ത്യന്‍


സ്വയം മെയ്ക്കരുത്തില്‍ പടര്‍ത്തിപ്പടര്‍ത്തി

പദം മെല്ലെയേറ്റിക്കയറ്റുന്നു ഭ്രാന്തന്‍

വലം കയ്യുയര്‍ത്തി തലോടുന്നു മുത്തിന്‍

കണങ്ങള്‍ തെറിക്കുന്നു മാരിവില്‍ പോലെ

Sunday, April 21, 2013

മോഡിയെ സന്ദര്‍ശിക്കല്‍ :

മോഡിയെ സന്ദര്‍ശിക്കല്‍ :

   ഇന്നലെയും ഇന്നുമൊക്കെയായി വാര്‍ത്താമാധ്യമങ്ങളിലും സോഷ്യല്‍ നെറ്റ് വര്‍ക്ക് സൈറ്റുകളിലും പ്രധാന ചര്‍ച്ചാവിഷയമായി കണ്ട ഒരു വാര്‍ത്ത‍. അതില്‍ ഫേസ്ബുക്ക് പോലെ ശക്തമായ ഒരു സോഷ്യല്‍ നെറ്റ് വര്‍ക്ക് സൈറ്റില്‍ കണ്ട ഒരു ചിത്രമാണ് ഇതോടൊപ്പം ചേര്‍ത്തിരിക്കുന്നത്.  ജനങ്ങളുടെ വോട്ടുനേടി അധികാരത്തിലെത്തിയ ഗുജറാത്ത് മുഖ്യമന്തിയും കേരളത്തിലെ തൊഴില്‍വകുപ്പുമന്ത്രിയും തമ്മില്‍ സംസാരിക്കുന്ന ചിത്രം.



      മുഖ്യമന്ത്രി തൊഴില്‍മന്ത്രിയുടെ വിശദീകരണം തേടി എന്നും തൊഴില്‍ വൈദഗ്ധ്യ വികസനത്തില്‍ ഗുജറാത്തിന്‍റെ മാതൃക കേരളത്തില്‍ പ്രയോജനപ്പെടുത്തുന്നതിനെക്കുറിച്ചാണ് മോഡിയുമായി താന്‍ചര്‍ച്ച നടത്തിയതെന്ന് മന്ത്രി ഷിബു ബേബിജോണ്‍പറഞ്ഞതായും വാര്‍ത്തകളില്‍ കണ്ടു.

Friday, April 19, 2013

ദേവി

          ദേവി

കീറിപ്പറിഞ്ഞ പഴന്തുണിയില്‍ പൊതി-         

ഞ്ഞാകെ തളര്‍ന്നോരു പിഞ്ചുപൈതല്‍

വാടിത്തളര്‍ന്നു കിടക്കുന്നു മൂലയില്‍

വാടിക്കൊഴിഞ്ഞൊരു പൂവുപോലെ

തീവ്രജ്വരത്തി,ന്നസഹ്യമാം ചൂടിനാ-

ലാടിവിറയ്ക്കുന്നൊ,രസ്ഥികൂടം    

പാഴ്മരച്ചില്ലപോല്‍ നീളും വിരലുകള്‍

ആഴക്കിണര്‍ പോലെ നേത്രദ്വയ

 മറ്റൊരുമൂലയില്‍ മദ്യപന്‍ താതനു

പട്ടുമയങ്ങുകയാണു, ചുറ്റും

മദ്യലഹരിയില്‍ ഛര്‍ദ്ദിച്ചതൊക്കെയും

കെട്ടിക്കിടക്കുന്നിതങ്ങുമിങ്ങും

പട്ടണമൂലയ്ക്ക,ഴുക്കുചാലില്‍ നിന്നു

പൊട്ടിയൊലിച്ച ദുര്‍ഗ്ഗന്ധമാകെ

കെട്ടിവരിഞ്ഞാ കുടിലിനേയാകവേ

വിട്ടുപോകാത്തോ,രജഗരം പോല്‍